摩豆 (已結業)

夜晚進修前途經太子, 聞到好香既雞蛋仔味, 跟住味道就搵到黎呢間特色雞蛋仔店。其實之前都係雜誌睇過佢關於呢間食店既報導, 果陣已經好想試試呢個土鳳梨口味既雞蛋仔。但真係估唔到佢仲有甘多個新奇既口味可以選擇, 最令人驚喜既係有粽味雞蛋仔!下單後等左足足十五分鐘, 先囉到的既土鳳梨雞蛋仔。雞蛋仔顏色橙橙黃黃, 聞落去蛋味幾香。咬入去每粒雞蛋仔都算係飽滿無空心情況出現。但我最期待的土鳳梨餡料要比我想像中「縮水」很多, 而且味道比台灣火鳳梨酥再要酸一啲。蛋漿其實好香, 而且同鳳梨亦都好夾, 不過個份量比例, 同雞蛋仔既硬度都未如理想。雞蛋仔個袋並無透氣窿窿,  包實哂岩岩出爐既雞蛋仔。原本蛋漿既脆度都尚待改善, 而家仲耍整底雞蛋仔都被濕氣包圍, 所以我只食到頭幾粒有微脆效果, 其他都係煙煙韌韌甘, 比較似中式蛋糕。