辣媽酸菜魚麵 (元朗安寧路)

營業中

休息中

朋友介紹話呢間野幾好食，好似返大陸食川菜咁，宜家因為疫情冇得返大陸，專登由港島去元朗試下……點知好失望……2碗面，加兩個小食2杯凍檸茶……成291蚊……藥膳雞面……湯頭好淡……完全唔似藥膳“燉”雞湯……似藥膳滾雞湯……啲雞又超多碎骨…差啲咬崩我個friend隻牙……酸菜魚湯麵……又係好淡……冇酸菜味……得少少魚味……真係自己買個鯇魚頭返屋企係咁易滾下都有味過佢仲要成68蚊…酸辣土豆絲，有d勁粗，有啲勁幼，得個酸字完全無辣……仲要炒得熟過籠…好鬼冧一啲都唔爽口…係得個麻辣豬紅好的…有麻有辣有香…但食完之後我同我個friend都超口渴…完全唔明點解咁淡嘅湯……都要咁重味精……食完之後每人飲咗兩支烏龍茶都仲覺得超口渴。