Bubble Tree (成業工業大廈)

營業中

休息中

見網上有好多好評同推介就去試吓，係星期日好驚冇位有排等，係openrice bk左位先，去到有幾個人係門口等緊，咁岩有2人枱所以我哋唔洗等就入得。店舖不大，坐得有啲逼，不過工廈餐廳通常都係咁，得一個店員送餐+落單，同埋啲食物都要時間等。飯個安格斯牛勁乾勁鞋，個蛋飯還好蕃茄湯，勁酸，同埋稠到似飲茄汁多過湯意粉一上枱舊三文魚就跌左去側邊，要扶番起佢影相先。意粉份量唔算多，配料多數係椒同菇，上面兩塊三文魚加啲飛魚子。意粉比較乾，加上冇汁，比較硬。南瓜湯，唔算太南瓜飲品蘋果茶，超淡以為係凍水個甜品等左好耐，等到想叫佢取消終於等到嚟，個甜品勁甜，估唔到個窩夫入面充滿類似拖肥嘅嘢，超甜，唔好食，食完個雪糕就算。