麵屋一燈 (已結業)

六點幾鐘，唔需要排隊。職員帶咗我地兩個人去坐餐廳正中間嘅二人位，冇得睇佢哋好出名嘅海景。餐牌好簡單：1. 拉麵/沾麵2. 揀配淨麵/肉加蛋/增量嘅肉加蛋個湯好濃好好飲（最後我有飲曬），上菜時溫度不太高，暖暖地咁，職員會比埋個暖壺你加湯。食食下覺得個湯唔係幾夠熱（但懶得叫店員加熱，又唔想太早加鰹魚湯）。雖然沾麵本身係熱湯配凍麵，但係個麵一開始凍到有少少難夾，好在浸左湯之後麵嘅硬度都幾適中。叉燒同雞肉片都係偏凍，要一次過將d肉加曬落個沾麵湯“加熱”。兩款肉唔算非常香，但係肉質唔錯。另外本身湯入面有兩粒肉丸，食落好香，有驚喜！