一碗小麵

營業中

休息中

一向都知西營盤高街一帶好多好野食，今日因為工作緣故經開附近，當然要黎呢頭食個late lunch經過見呢間餐廳個名幾吸引，又係我中意嘅川菜，所以就二話不說入去食啦中意酸辣食物嘅我，見到有酸菜魚麵覺得好開心，因為平時酸菜魚通常要一大鍋叫，一個人好難食到，難得呢道令我一個人都可以食到，當然要叫另外叫咗口水雞同一碟叫‘麻麻地蜆’ 嘅野，希望個味唔係麻麻地啦首先上嘅係麻麻地蜆，原來係麻辣味嘅涼拌蜆～蜆嘅味道鮮甜，麻辣味恰到好處，麻味十足而且唔會太辣，仲有少少麻油味，好香好好食啊一食第一隻，就會好似上癮咁食到好難停口，因為實在太正，我幾分鐘已經食曬碟野啦之後嘅口水雞同樣係水準之作，少少辣多多麻，好岩我口味至於酸菜魚麵嘅味道都好正宗，魚片煮得嫩滑無腥味，又唔會太多骨，而幼身白麵線充分掛到又酸又開胃嘅湯底，我三爬兩撥就食完，好飽好滿足！響附近住/返工嘅人絕對值得一試！