十三少 (已結業)

今日去樂富新店鋪十三少吃辣餐，2人餐$338有前菜、主食、小食。前菜嗌左涼拌土豆絲，土豆絲好爽脆，酸酸辣辣好開胃。主食十三少酸菜魚，真係大大碗，魚用鱸魚，好嫩好滑好新鮮。配料種類都多，有杏鮑菇、秀珍菇、萵筍、蘿蔔片、酸菜。最重要有撒大把芝麻，啖啖魚肉配上芝麻，好好吃。而且湯底唔算辣，湯都可以飲。小食川式口水雞，雞肉浸透辣椒油，辣椒油上又是滿滿一層芝麻，雞肉嫩滑又麻，慫飯好正。套餐+$28有甜品食：紅糖糍粑，四川甜品，內裡熱辣辣，煙煙韌韌，外層香脆，裹著黃豆粉，味道不錯。