影片
更多
2019-02-08
1124 瀏覽
夜晚九點鐘，去到IFC唔知食咩好，見到哩間好多人排隊，就試試佢係咪正野。兩個人叫咗牛腩麵、細蓉、及第粥同油菜。首先要講啲嘢係茶。7蚊茶錢（另加一），啲茶味道同水一樣。麵的確幾爽，少少彈牙；牛腩少少「鞋」；雲吞細細粒，皮薄，蝦味中帶有少少麻油味；細蓉湯底帶有蝦子味，而牛腩湯底啲腩汁一般；及第粥材料有豬潤、腸、生腸、肉丸，除左個潤之外，其餘材料都唔似生滾，味道淡淡地，所以個粥底唔太鮮甜，但夠綿。Total埋單二百六十，整體黎講，味道非常普通，唔係難食，入得IFC就預咗貴。想食差唔多既質素既，中環好多其他選擇。
兩個人叫咗牛腩麵、細蓉、及第粥同油菜。
首先要講啲嘢係茶。7蚊茶錢（另加一），啲茶味道同水一樣。
麵的確幾爽，少少彈牙；牛腩少少「鞋」；雲吞細細粒，皮薄，蝦味中帶有少少麻油味；細蓉湯底帶有蝦子味，而牛腩湯底啲腩汁一般；及第粥材料有豬潤、腸、生腸、肉丸，除左個潤之外，其餘材料都唔似生滾，味道淡淡地，所以個粥底唔太鮮甜，但夠綿。
Total埋單二百六十，整體黎講，味道非常普通，唔係難食，入得IFC就預咗貴。想食差唔多既質素既，中環好多其他選擇。
張貼