MEATS (已結業)

今日我哋嚟呢度食晏晝。兩個餐單，一個係$158，另一個係$198，響中環來講唔算貴。我叫咗個wagyu carpaccio，同埋lamb pie。真係要講下個羊肉批，個餐上嚟嘅時候，我仲以為好大個，點知一切落去全部都係空心嘅，上面個酥皮只不過拱起左。個酥皮超好食，個羊肉係手撕羊肉，但係就比較鹹。其實已經俾咗一個果醬比我中和一下，但係越食越鹹，撈埋apple slaw 落去一早齊食，都係覺得好鹹，所以酥皮我就食晒，啲羊肉我就食剩三份一。大少要咗個veggie taco同埋Argentinian Ribeye, 配菜有fries同埋apple slaw. 因為太少超鍾意食taco, 所以佢覺得嗰veggie taco 好好食. 個牛扒就不過不失，加埋啲醬，味道都幾特別。而甜品, 我哋兩個都叫咗 Adffogato.總括來說，我覺得佢哋嘅 appetizer 係好食過主菜. 味道比較另類，唔似一般西餐。