大勝軒丸一 (金星閣) (已結業)

睇呢度之前啲食評 ， 都好同意幾年前似乎轉咗手 ，日本人師傅冇再喺度， 但味道依然好食， 重播放8 90年代嘅日文舊歌， 非常之有氣氛。 幾個月冇去食 ，但今日再去，已經變咗播普通話歌同埋舊嘅香港歌 ， 氣氛極為奇怪， 師傅都變咗， 夥記又轉咗人，menu都改左少少， 似乎又再一次轉手， 變咗一間普通嘅香港扮日本餐廳。 首先叫咗大勝軒沾麵， 個湯已經唔夠熱， 雖然有三嚿叉燒但係非常之肥，肥到都唔知點食 ， 同埋冇以前咁好食，梗係覺得個湯啲味爭啲。以前啲水杯非常乾淨 ， 而家去飲水好似有洗潔精味添。 一直以來去大勝軒食沾麵聽日文舊歌愉快嘅回憶就咁冇咗，睇嚟以後都唔使再去 。