影片
更多
2017-04-02
1078 瀏覽
呢晚同爸媽黎食上海菜，見商場都係新裝修，而呢間餐廳望落都好新派，座位寬敞，環境舒服，幾適合同朋友或者家人聚餐傾計。陳年普洱、人參烏龍 (茶芥每位$8)同一般茶樓唔同，平時飲茶都係老豆話事，今次終於有得揀自己想飲既茶！係呢度每人都有自己既茶壺，可以根據自己口味揀選茶包，有普洱、人參烏龍、茉莉香片、鐵觀音呢四種選擇。我自己揀左人參烏龍，甘甘甜甜，好順喉。自製千層水晶肉 ($52)唔錯既冷盤，水晶肉肉質鬆軟，啫喱用上湯餵過，零舍有咸鮮味，點醋食十分開胃。蟲草花雕醉雞 ($72)雞件份量頗多，而且啖啖肉！雞肉肉質嫩而滑，一點肥膩都沒有，紹興酒味亦十分濃郁，仲有些少桂花味，酒香完完全全滲曬係雞肉裏面。魔鬼天使小籠包 ($58)白色既係天使小籠包，餡料有帶子、豬肉同魚子醬，配上黑魚子，湯汁夠多而且整體味道鮮甜，而黑色既係魔鬼小籠包，以墨魚汁做皮，餡料有黑蒜同豬肉，口味比較香濃。天使同魔鬼小籠包有明顯對比，頗具心思。山東一口牛肉包 ($42)包既外層煎得夠香脆，牛肉鬆軟而且惹味，不過如果包既粉漿無咁立口就更加好食。鱔糊上海粗炒 ($72)鱔糊肉質爽而鮮甜，粗炒用上夠晒濃味既醬汁，配埋爽口芽菜，我同屋
陳年普洱、人參烏龍 (茶芥每位$8)同一般茶樓唔同，平時飲茶都係老豆話事，今次終於有得揀自己想飲既茶！係呢度每人都有自己既茶壺，可以根據自己口味揀選茶包，有普洱、人參烏龍、茉莉香片、鐵觀音呢四種選擇。我自己揀左人參烏龍，甘甘甜甜，好順喉。
自製千層水晶肉 ($52)唔錯既冷盤，水晶肉肉質鬆軟，啫喱用上湯餵過，零舍有咸鮮味，點醋食十分開胃。
蟲草花雕醉雞 ($72)雞件份量頗多，而且啖啖肉！雞肉肉質嫩而滑，一點肥膩都沒有，紹興酒味亦十分濃郁，仲有些少桂花味，酒香完完全全滲曬係雞肉裏面。
魔鬼天使小籠包 ($58)白色既係天使小籠包，餡料有帶子、豬肉同魚子醬，配上黑魚子，湯汁夠多而且整體味道鮮甜，而黑色既係魔鬼小籠包，以墨魚汁做皮，餡料有黑蒜同豬肉，口味比較香濃。天使同魔鬼小籠包有明顯對比，頗具心思。
山東一口牛肉包 ($42)包既外層煎得夠香脆，牛肉鬆軟而且惹味，不過如果包既粉漿無咁立口就更加好食。
鱔糊上海粗炒 ($72)鱔糊肉質爽而鮮甜，粗炒用上夠晒濃味既醬汁，配埋爽口芽菜，我同屋企人都食得非常滋味，大大碟都比我地好快清晒。
紅燒牛肉麵 ($58)牛肉算入味，面質亦做得夠爽，不過有少少鹼水味。
芒果酒釀丸子 ($32)點完餐後，店員將呢個夾放係枱邊，到我地想上甜品個時就比個牌店員。
平時傳統既酒釀丸子，估唔到可以加入生果，食落又幾清新。芒果鮮甜，丸子亦做得煙韌又有咬口，酒釀湯底可以更加濃烈，不過食完飯食碗甜品好滿足！
總括黎講餐廳環境舒服，菜色亦傳統創新俱備，下次希望能夠試下佢既招牌燉湯！
張貼
