影片
更多
2011-11-15
99 瀏覽
和女朋友八個月的記念日, 揀咗鳥羽食 dinner, 當日中午先打去 book 7:30pm, 好彩仲有位當日喺銅鑼灣行街, 因為實在太多人, 所以早咗15分鐘就上咗去, 餐廳有2層, 上層係 open area 比較開揚, 而下層只有3張枱再加3間房, 相對坐得比較舒服~~~被安排坐下層的二人枱~~~張枱設係 lift 口附近位置, 但由於部 lift 係唔會停下層, 所以無咩所謂!!剛坐下, 侍應就放下一碗日式煮蘿蔔(每位$15)蘿白清甜易入口, 亦唔會太淋 or 太硬, 配以甜醬及芝麻, 作為前菜冷盤一流, 但每人只得一片蘿白就似乎有點唔夠喉佢嘅所有餐具都印有自家品牌, 夠晒統一!!!order 咗以下幾樣食物(依上菜次序排列)：＊二人前刺身 ($290)6款刺身, 質數中上, 特別係兩隻蝦粗如手指而且又鮮甜 海膽唔會水溜溜, 但不太鮮甜＊串燒雞軟骨 ($22)細細粒, 外皮燒得脆身, 配上醃料去燒, 相當入味, 佐酒應該一流!!＊串燒雞頸肉 ($22)雞頸肉相比一般雞肉 "un", 有點似豬頸肉, 都係配上醃料去燒, 但味道只是一般~~＊秘製手羽先 - 5隻 ($65)雞翼用秘
當日喺銅鑼灣行街, 因為實在太多人, 所以早咗15分鐘就上咗去, 餐廳有2層, 上層係 open area 比較開揚, 而下層只有3張枱再加3間房, 相對坐得比較舒服~~~被安排坐下層的二人枱~~~張枱設係 lift 口附近位置, 但由於部 lift 係唔會停下層, 所以無咩所謂!!
剛坐下, 侍應就放下一碗日式煮蘿蔔(每位$15)
蘿白清甜易入口, 亦唔會太淋 or 太硬, 配以甜醬及芝麻, 作為前菜冷盤一流, 但每人只得一片蘿白就似乎有點唔夠喉
佢嘅所有餐具都印有自家品牌, 夠晒統一!!!
order 咗以下幾樣食物(依上菜次序排列)：＊二人前刺身 ($290)
6款刺身, 質數中上, 特別係兩隻蝦粗如手指而且又鮮甜 海膽唔會水溜溜, 但不太鮮甜
＊串燒雞軟骨 ($22)細細粒, 外皮燒得脆身, 配上醃料去燒, 相當入味, 佐酒應該一流!!
＊串燒雞頸肉 ($22)
雞頸肉相比一般雞肉 "un", 有點似豬頸肉, 都係配上醃料去燒, 但味道只是一般~~
＊秘製手羽先 - 5隻 ($65)雞翼用秘製醬汁, 個汁甜甜地幾好味, 雞翼炸得相當香脆, 但雞翼尖就變得較難咬, 兩個人食5隻雞翼食到牙都軟
＊八丁味噌稻庭烏冬 ($75)由於之前無睇樓下食評..............
味噌湯影響成碗烏冬, 不是味淡, 而是味濃, 濃得以為來了碗酸辣湯烏冬
烏冬彈牙好味, 其他配料有: 大量什菇、油豆腐及一隻生雞蛋
油豆腐充分發揮佢嘅吸汁功用, 勁索味
雞蛋於咁濃嘅味噌湯內, 相對變得可有可無
由於佢嘅份量都幾大碗!!!! 只可以講如果得2-3個人食的話, 叫清湯會比較好, 否則會覺得太咸; 多人的話, 叫一碗每人少少係唔錯嘅!!!
食到一半再想 order 串燒豆腐 及 野菜天婦羅盛, 但串燒豆腐已售罄(約8:15pm), 唯有order天婦羅＊野菜天婦羅盛 ($68)
簡單的東西反而好驚喜, 好特別, 而且好大碟!!
有好多炸物, 粉漿亦很薄身, 除咗有一般的青椒、冬菇、南瓜、芋頭、茄子.....
連露筍及靈芝菇都有, 靈芝菇天婦羅真係第一次食, 好特別, 佢係將一大束靈芝菇拎去做天婦羅, 咬落去好有鮮味, 正!!!!
名古屋料理感覺係味濃、調味多, 吃不慣的話就可能要多飲兩杯茶, 由於下層地方不大, 要求加水時, 侍應都好快手!!最後, 發票中亦好 user friendly 咁有 "人均消費", 一大班人夾錢的話相當方便!!!!
張貼
