醉胡爐 (已搬遷) 新店位置

朋友帶我嚟呢度食飯，不過地方有啲難搵，我呢個路痴行錯好多路先搵到！呢度環境唔錯，有幾間房仔，私隱度好高。佢一嚟會上個醬汁架畀你，等你舒舒服服坐喺度舀定醬汁，唔駛自己出去舀咁麻煩。之後我地嗌咗呢個火焰龍蝦海鮮鍋侍應喺我地面前即席倒酒燒起個鍋，忽然間好似睇緊表演咁另外我地嗌咗好多平時嘅打邊爐餸，例如牛肉、丸、餃子，全部都好好味！總結嚟講呢間火鍋店雖然價錢唔算平，但係同朋友聚餐一流，如果可以坐喺房仔入面仲正！