影片
更多
2024-10-09
595 瀏覽
都唔知幾耐無寫過食評，但今次真係想寫下囉。9/22星期日晚餐7點左右，3分1入座率，招呼服務正常。晚飯做緊片皮鴨加海鮮孖寶，價錢$3xx-$5xx，睇你想配咩。我就揀咗片皮鴨配酥炸生蠔，大家無睇錯，啲鴨既分量唔多，賣相真係差，不過呢個價錢都算收貨。屋企人話味道正常。炸生蠔粉唔算厚，脆既，不過好油，唔識講味道係腥定海水味，我唔識分。蓮藕餅係最先上枱，起初仲以為係炸蠔，原來佢個藕餅係上粉炸，同我想像既唔一樣，味道正常，多油囉。百花釀竹笙$188/6件，本來有啲期望，但蝦膠唔新鮮，腥，上面鋪塊竹笙就算，啲蝦膠唔係直接釀入竹笙裡面，我誤會了。梅菜蒸菜芯睇落最正常，無死掛，但啲菜芯好明顯先淥好再去蒸，淋到無牙都食到，唔爽口，梅菜又無味。另加白飯3碗，5個人埋單$1020。原本諗住支持吓啲懷舊酒樓，點知啲味道仲差過連鎖集團，我錯了，無下次。
9/22星期日晚餐7點左右，3分1入座率，招呼服務正常。
晚飯做緊片皮鴨加海鮮孖寶，價錢$3xx-$5xx，睇你想配咩。
我就揀咗片皮鴨配酥炸生蠔，大家無睇錯，啲鴨既分量唔多，賣相真係差，不過呢個價錢都算收貨。屋企人話味道正常。
炸生蠔粉唔算厚，脆既，不過好油，唔識講味道係腥定海水味，我唔識分。
蓮藕餅係最先上枱，起初仲以為係炸蠔，原來佢個藕餅係上粉炸，同我想像既唔一樣，味道正常，多油囉。
百花釀竹笙$188/6件，本來有啲期望，但蝦膠唔新鮮，腥，上面鋪塊竹笙就算，啲蝦膠唔係直接釀入竹笙裡面，我誤會了。
梅菜蒸菜芯睇落最正常，無死掛，但啲菜芯好明顯先淥好再去蒸，淋到無牙都食到，唔爽口，梅菜又無味。
另加白飯3碗，5個人埋單$1020。
原本諗住支持吓啲懷舊酒樓，點知啲味道仲差過連鎖集團，我錯了，無下次。
張貼
