Check In ThaiViet (已結業)

中上環有好多小店及cafe， 由於每一間餐廳都好有特色，成個社區俾人感覺就係充滿美食嘅寶藏🤩 今日我哋喺上環發掘咗一間好嘢@ 餐廳喺荷里活公園附近， 雖然係一間小店但味道絕不普通👍餐廳以綠色為主調， 雖然冇露天嘅地方， 但餐廳設有一個大窗台， 以吧枱嘅設計增加空間感🤩 用餐環境都舒適，我鍾意佢既吊燈配合埋牆壁嘅畫， 有置身東南亞餐廳嘅感覺😎😎 食物方面聽聞係由泰國廚師主理，所以真係好正宗🫶🏻🌟青芒果軟殼蟹沙律青芒果好新鮮， 有原隻軟殼蟹🦀 值得一讚係佢個醬汁同配料， 非常獨特同好味👍 仲有炸花生同乾蔥做點綴，醬汁係同出面啲泰式餐廳唔同，好特別👍 如果軟殼蟹炸得脆身啲，效果更佳。🌟黑椒燒雞半隻份量都唔少， 燒雞醃得非常入味， 充滿著燒香嘅美味， 黑椒味唔算重， 都係嗰句，同出面食係唔同，但好好味🫶🏻🌟泰式青咖哩豬呢個青咖哩汁好正， 味道偏甜， 廚師用大量九層塔再配以新鮮嘅豆角同泰式茄子煮成， 送飯真係一流🤩🌟泰式冬陰功湯河又係與眾不同嘅味道😆 冬陰功湯底濃郁，輕微偏甜， 你睇到佢用咗好多材料煮成👍👍 餐廳選擇用粗河粉代替普通河粉， 可以直接用匙食超方便😂 而且粗河粉易掛湯， 非常美味👍🌟