Peko Peko Eatery (康怡廣場北座) (已結業)

今晚突然間好想出去食飯，於是約朋友喺沉悶嘅星期一找點樂子。發現太古城康怡廣場開咗間幾骨子嘅餐廳Peko Peko Eatery，裡面嘅裝潢令我覺得好似去咗另一個地方，簡約嘅裝潢又帶一點家嘅味道，好舒服😌。今晚入座時，被安排到「卡位」，好自成一角而且坐得舒服😌。食物種類都好多選擇，但由於我跟友人都不想再費神去選擇，於是乎就揀選店員推介嘅二人晚市套餐，頭盤、主菜、甜品、飲品都有齊。 呢個餐嘅其中一個吸引之處係有杯Welcome Drink，來自西班牙嘅Sparkling Wine配合稍後出場嘅前菜，確係令人開胃。頭盤嘅沙律可以算係我食過性價比最高嘅套餐沙律，生果種類繁多，有無花果、車厘子、青葡萄、蘋果、布冧，清新爽口，令人非常之開胃。接著另一道頭盤煙燻三文魚蟹肉亦有驚喜，內有三文魚子，跟三文魚同蟹肉十分匹配，不鹹亦不油膩，配搭恰到好處。再來是磨菇Cappuccino，用咖啡杯上很別緻，蘑菇湯濃而不膩，忌廉味同蘑菇味平均，唔會搶咗另一食材嘅味道。接著到扇貝明太子意大利麵，除了帶子還有魷魚及三文魚子，係一個比較多汁嘅意粉，食起上嚟有點狼狽，但味道不錯。跟住到主菜香煎鵝肝牛柳伴野菌汁。我同朋友都