影片
更多
2022-10-17
371 瀏覽
【华嫂冰室 】一直都係以非主流大眾飲食嘅用餐體驗作為我呢個 IG 走落去嘅方向，所謂非主流就係時下啲人 hit 乜排緊乜我一般都 WFC，而大眾飲食即係一般人都可以觸及，唔係話好難搵又或者唔需要排好耐隊先食到嘅嘢。入到天水围，一般嘅 foodie 當然係湧去嗰幾個大商場同大家，食返呢間我細細個已經見到佢喺度嘅茶餐廳。不過以前都係搭巴士經過，我係一次都未食過佢架，今次嚟到就當然走入去試吓佢啦。入到去就真係有濃厚嘅街坊食堂氛圍，上晒年紀嘅侍應感覺已經收晒火，落單迅捷而直接。不過睇落去間嘢又真係冇乜嘢好特色嘅嘢食，所以我求其叫個下午茶餐就算。但係即使係下午茶餐，都有啲難揀，都係普普通通算啦。最後叫份「炸雞脾薯條」，真係下午茶份量，唔大，味道都算突出。薯條都係多，不過炸得算幾好，而且係茶記特色嘅曲身薯條。配埋一杯正正常常嘅「熱奶茶」就 ，我覺得係一個幾合理嘅性價比，冇咩挑剔。有 foodie 朋友將我冠以「西多士 KOL」嘅稱號，我冇辦法就補要件「法蘭西多士」，上到嚟就知原來佢係冇夾花生醬嗰款嚟，嗱，係咪有用資訊先。不過呢，佢個方包本身又幾好食，加埋傳統嘅糖漿，挽回唔少分數。而佢啲麵包唔錯其實
一直都係以非主流大眾飲食嘅用餐體驗作為我呢個 IG 走落去嘅方向，所謂非主流就係時下啲人 hit 乜排緊乜我一般都 WFC，而大眾飲食即係一般人都可以觸及，唔係話好難搵又或者唔需要排好耐隊先食到嘅嘢。
入到天水围，一般嘅 foodie 當然係湧去嗰幾個大商場同大家，食返呢間我細細個已經見到佢喺度嘅茶餐廳。不過以前都係搭巴士經過，我係一次都未食過佢架，今次嚟到就當然走入去試吓佢啦。
入到去就真係有濃厚嘅街坊食堂氛圍，上晒年紀嘅侍應感覺已經收晒火，落單迅捷而直接。不過睇落去間嘢又真係冇乜嘢好特色嘅嘢食，所以我求其叫個下午茶餐就算。但係即使係下午茶餐，都有啲難揀，都係普普通通算啦。
最後叫份「炸雞脾薯條」，真係下午茶份量，唔大，味道都算突出。薯條都係多，不過炸得算幾好，而且係茶記特色嘅曲身薯條。配埋一杯正正常常嘅「熱奶茶」就 ，我覺得係一個幾合理嘅性價比，冇咩挑剔。
有 foodie 朋友將我冠以「西多士 KOL」嘅稱號，我冇辦法就補要件「法蘭西多士」，上到嚟就知原來佢係冇夾花生醬嗰款嚟，嗱，係咪有用資訊先。不過呢，佢個方包本身又幾好食，加埋傳統嘅糖漿，挽回唔少分數。
而佢啲麵包唔錯其實係基於佢店外仲有個位專係賣麵包，而家好多新派冰室都係倣效呢個概念。咁我就用叫隻「蛋撻」嚟玩吓，牛油皮嘅蛋撻嚟，又幾好食喎，蛋味都夠香。呢餐夾埋 ，我覺得啲包同蛋撻我會 encore 囉。。。
地址：天水围虾尾新村121号地舖）
張貼