恆河咖喱屋 (已結業)

我同興趣班啲同學仔去筲箕灣攞Cert，有同事介紹恆河咖喱屋。一到間舖，自己就幾鍾意啲環境，因為啲Decoration係自己鍾意o既style。個同學介紹得，初頭仲以為啲嘢會好有印度風味，但結果係自己有啲期望過高。我食咗set lunch呀：餐湯：唔知係咪忌廉湯。一般啦。印度烤雞：味道一般，同我之前去一啲印度人主理o既餐廳比較的話香料調味方面唔夠內涵。咖喱汁：其實不得不失，但問題同印度烤雞一樣係內涵問題。烤餅：冇surprise; 洋葱烤餅冇乜洋葱味，薯仔烤餅冇乜薯仔味。同我之前平時去開嗰兩三間印度餐廳冇得比。草莓酸奶：得個酸字…整得唔好飲另外，有個靚女但睇落唔太好老脾o既Waitress都令人減咗少少印象分…如果大家冇食過印度人o既印度菜，可以會覺得OK; 但我覺得有啲正宗印度店味道好味過依間好多，價錢都可以同佢一樣咁相宜添。鍾意試唔同餐廳的話可以去試試比較吓o既。