Pizza Maru (荃新天地)

營業中

休息中

經過 Pizza Maru 幾次都見多人排隊，再睇 OpenRice 介紹見食評都幾好，今日難得到荃灣就不如同老婆試下這間啦，5點已經到咗，要等到6點先有得食，但唔緊要啦一場嚟到就等啦。終於等到6點，見得幾個人排隊，可能係平日關係！入到去以為咁早冇咩人，以為可以坐張4人枱舒適啲，原來係唔可以，但都明白已開始晚市，就唯有坐2人枱啦，但張枱唔太大，都唔敢叫咁多嘢食，叫3樣嘢應該都放滿全枱，叫住少少試下先！見坐都不太舒適迫迫窄窄，隨便叫啲嘢食試下啦，叫咗個蜂蜜蒜香炸雞，同一個蝦蟹pizza，一杯芒果茶凍飲！可能之前太過期待啦，未食都認定會非常好食，一食就非常失望，同網評差好遠，個炸雞味道一般唔夠熱！個pizza 只能夠講好普通，個餐牌圖片材料係非常豐富，與事實不符！但事實見得幾隻蝦，調味料太多，個pizza 邊硬一啲都唔脆，重點亦係唔夠熱！即整唔係會熱辣辣嗎？又唔係叫外賣，但等咗一個鐘太餓了，唯有快食完快走，唔會再有下次！這個價錢唔駛食依間！