影片
更多
2021-05-19
195 瀏覽
滿心歡喜見到新店，裝修靚，仲要存theme，好期待。上午11:40到達，已經要排隊，無所謂，話哂即叫即做，真的要耐心等候。等咗差唔多30分鐘，入得。因為排隊時有大把時間，所以坐低已經可以即叫得。點知已經有啲口味賣晒⋯⋯無問題，大家遷就啦。叫其他。等咗20分鐘，終於有得食⋯⋯⋯一碗麵。我哋一共叫咗3碗麵、27隻餃子、2杯豆漿、1壺蕎麥茶。我哋4個人，邊個食先好呢？再等10分鐘，終於有1杯豆漿⋯⋯2分鐘後，第二杯豆漿到。再過一陣子，’蕎麥茶‘到嘞。咦？咁淺色嘅⋯⋯無所謂啦，等佢泡多一陣，可能就會濃啲。其他嘢陸陸續續到啦。麵：同即食拉麵無分別，除咗唔係自己煮同貴啲。餃子：啲皮確實好滑，大部分都足料，不過亦有‘啲料應該好矜貴’款式（order係三鮮，塊皮包住幾粒蛋碎）豆漿：白色嘅水加糖‘蕎麥茶’：Highlight 到嘞。泡咗20分鐘後仍然淺色，試味先⋯⋯咦，桂花茶味嘅。問下專業的server呢杯係乜茶？佢話係桂花茶嚟嘅。我話唔好意思，我叫蕎麥茶，可以check單換過嘛？佢再話‘吓。其實係有桂花唧’。我話‘唔係呢，無蕎麥味’。佢轉身同supervisor講‘個客話已要換蕎麥茶’。點知super
等咗差唔多30分鐘，入得。因為排隊時有大把時間，所以坐低已經可以即叫得。點知已經有啲口味賣晒⋯⋯無問題，大家遷就啦。叫其他。
等咗20分鐘，終於有得食⋯⋯⋯一碗麵。我哋一共叫咗3碗麵、27隻餃子、2杯豆漿、1壺蕎麥茶。我哋4個人，邊個食先好呢？
再等10分鐘，終於有1杯豆漿⋯⋯2分鐘後，第二杯豆漿到。再過一陣子，’蕎麥茶‘到嘞。咦？咁淺色嘅⋯⋯無所謂啦，等佢泡多一陣，可能就會濃啲。其他嘢陸陸續續到啦。
麵：同即食拉麵無分別，除咗唔係自己煮同貴啲。
餃子：啲皮確實好滑，大部分都足料，不過亦有‘啲料應該好矜貴’款式（order係三鮮，塊皮包住幾粒蛋碎）
豆漿：白色嘅水加糖
‘蕎麥茶’：Highlight 到嘞。泡咗20分鐘後仍然淺色，試味先⋯⋯咦，桂花茶味嘅。問下專業的server呢杯係乜茶？佢話係桂花茶嚟嘅。我話唔好意思，我叫蕎麥茶，可以check單換過嘛？佢再話‘吓。其實係有桂花唧’。我話‘唔係呢，無蕎麥味’。佢轉身同supervisor講‘個客話已要換蕎麥茶’。點知supervisor好勁咁好快話‘呢杯係桂花茶，一睇就知’⋯⋯佢就係無聽清楚佢個講乜⋯⋯我嘅回應係‘係呢，我叫蕎麥茶，呢杯桂花茶，麻煩幫我換’⋯⋯supervisor話‘吖，睇真啲，係我哋加咗桂花比你杯蕎麥茶，其實係蕎麥茶’。我話‘唔係呢，成杯桂花味，無蕎麥味’⋯⋯佢有佢繼續推搪，我開始黑面，繼而放棄，佢就悔氣地話‘唉，算嘞，我換比你’。我堅持話唔駛，‘既然你一路係話我飲唔出，係我問題’。
其實一杯嘢$28，你換比我而假設真係我味覺有問題，咁你都係$28，做乜要咁呢？之後一路禮貌態度都好冷淡。
只此一次，下不為例！
張貼