越南牛肉粉專門店 (裝修中)

估唔到今日大年初四都咁多人排隊食飯，去左兩間成日去既都好多人，於是是日午餐就黎左呢間食越南野，叫左個豬扒撈麵，可能我真係好少食越南野啦，以為只有撈檬係凍既，撈麵係熱既，原來都係凍既，塊豬扒好dry, 冇咩味，乾爭爭，又凍。見唔洗排隊先入黎食，都知係伏架啦。記得上次峴港食越南粉麵都唔係咁，人地就算凍都好好食，但呢個真係有點失望。雖然店內裝修係幾靚，眼見其他熱食好似幾好食，但份量唔多，應該都唔會食第二次。