影片
更多
2011-01-10
7427 瀏覽
8-1-2011收工到日月星街一帶食 lunch, 想去的 Spoil (以前幾時嚟過: http://www.openrice.com/restaurant/commentdetail.htm?commentid=1912874) 及 Classified 都無位, 結果嚟了中學同學 C 曾經推介過的呢間日本餐廳. 入到嚟就被黑口黑面的 waitress「指」了坐 bar 檯, 跟住丟低兩本 menu 及兩杯熱水/茶, 但杯外又仍然濕的 (洗完未掠 / 抹乾?), 加上刺身檯內竟然有大量長方形的「麵粉」蟹柳 , 最後 2 人都叫了兩款應該較穩陣的熟食:-前菜: 竟然係芽菜 + 韭黃, 諗起大記碗攦粉面頭嗰堆「小炒」(http://www.openrice.com/restaurant/commentdetail.htm?commentid=2079071) 不過食落清清淡淡 sok sok 聲,「漱口」都 ok 的...茶碗蒸: 配料有冬菇, 雞肉, 鳴門卷 etc, 不過主角蒸蛋皺皮到呢 滑唔滑, 你話喇?定食的主角係照燒牛扒 ($150): 薄身, 切成一條條, 賣
8-1-2011收工到日月星街一帶食 lunch, 想去的 Spoil (以前幾時嚟過: http://www.openrice.com/restaurant/commentdetail.htm?commentid=1912874) 及 Classified 都無位, 結果嚟了中學同學 C 曾經推介過的呢間日本餐廳. 入到嚟就被黑口黑面的 waitress「指」了坐 bar 檯, 跟住丟低兩本 menu 及兩杯熱水/茶, 但杯外又仍然濕的 (洗完未掠 / 抹乾?), 加上刺身檯內竟然有大量長方形的「麵粉」蟹柳 , 最後 2 人都叫了兩款應該較穩陣的熟食:-
前菜: 竟然係芽菜 + 韭黃, 諗起大記碗攦粉面頭嗰堆「小炒」(http://www.openrice.com/restaurant/commentdetail.htm?commentid=2079071) 不過食落清清淡淡 sok sok 聲,「漱口」都 ok 的...
茶碗蒸: 配料有冬菇, 雞肉, 鳴門卷 etc, 不過主角蒸蛋皺皮到呢 滑唔滑, 你話喇?
定食的主角係照燒牛扒 ($150): 薄身, 切成一條條, 賣相其實 ok, 不過食落唔夠熱, 肉味一般, 好韌又幾乾, 燒 (但又似「煎」多 d?) 得太熟了吧? 配上白飯, 其實唔難食, 不過感覺係做得幾求其的一份燒牛扒, $150 絕對可用 "rip-off" 嚟形容.
朋友的係牛肉生薑燒 ($108): 薄牛肉軟腍又算幾香, 食落帶甜亦有「薑汁」的味道, 加埋同樣入味索汁又甜甜的洋蔥, 送飯係不錯, 不過食食吓發覺都幾「水 deh deh」 唔難食的一份牛肉生薑燒, 不過都係嗰句, 收 $108 一份定食, 可以更更更更更好吧.
味噌湯有昆布及油揚豆腐, 飲落味道就正正常常, 唔會太鹹, 好在
Menu 上話 lunch 定食可跟雪糕或咖啡, waitress 卻只問我哋要「紅豆」定「菠蘿」雪糕, 當然問問「有無咖啡」, 但得到嘅答案係好堀的「無喎」兩個字, 及 waitress 的一副極不耐煩的嘴臉, 唯有乖乖「遵命」只食紅豆雪糕, 但雪糕及紅豆都好硬, 食落同「香甜」二字全無關係, 都唔知自己食緊 d 乜. 朋友的菠蘿雪糕則較軟滑, 亦食到粒粒菠蘿, 叫好過無吧.
食物無誠意, 不過招呼更「堅」, 無禮貌成咁的 waitress 及唔識磨尖把刀的師傅 (仲要喺我哋面前當場上演「補習」...) 都係第一次喺日本餐廳遇到, 認真大開眼界.
埋單 $165, 唔滿意, 唔抵, 唔會再來, 後會無期!
張貼
