鴻興清湯腩專家

營業中

休息中

今日因為有個朋友住將軍澳，所以佢就帶咗我嚟呢間度食牛腩麵，佢話呢度嘅牛腩好出名，於是我下午又同佢過咗嚟呢一間餐廳度食，佢嘅環境同其他粉面嘅裝修差唔多，但係都算乾淨，而且好光猛，當然坐得唔會特別舒服，因為佢用圓凳，我哋兩個人叫咗一碗牛腩米線同埋四寶丸，嚟到之後嗰碗麵一望就覺得好細碗喎，雖然我係女仔，但係我一望就知自己唔夠飽，不過唔緊要食咗先，牛腩咬落去，我覺得好好食好香嘅牛味，而且好有口咬，我覺得味道在錯，而且我哋加咗菜，所以佢有幾條菜心跟埋俾我哋我另外嗌咗一碗四寶丸，真係得四粒有魚蛋水餃墨丸，老實講，雖然佢哋係手做，但係四粒加一碗麵真係唔夠飽，所以我哋兩個再加左一碟炸雲吞，但係其實佢個價錢嚟講唔算平，除咗味道好之外份量同埋價錢我都覺得唔合理。