影片
更多
2014-11-20
1451 瀏覽
琴晚同朋友嚟晚餐, 由於時間尚早, 只有零丁客人。**侍應姐姐都幾串架, 一副唔想做你生意咁! 我地聽到佢對其他客人嘅態度好差~! 話說, 有張2人枱放左幾個啤酒杯晌度, 第一次有2個女人入嚟想坐, 個侍應姐姐已經喝佢地, 話哩個位唔比坐。之後有個老婆婆入嚟, 唔想坐BAR位, 想坐2人枱, 由於婆婆已經坐嚟左, 阿侍應姐姐又係好唔滿意咁講, 哩個位係唔比坐, 不過你要坐都得~!**(哩度係收加一服務費, 哩D就係名符其實嘅比錢買難受喇~!)坐底睇一睇枱面嘅MENU, 其實我係有衝動想走人去隔離居酒屋食。首先, 食物選擇嘅種類唔多, 同埋好多都要加錢買配料, 而且價錢都唔算抵。--普通拉麵HKD74左右, 係連义燒同蛋都都冇嘅。--叫要义燒拉麵HKD94左右, 先有义燒, 但冇蛋。--如果想有齊哂义燒同配料, 就要叫特制拉麵HKD99(另外收加一服務費)先嚟, 黑芝麻擔擔拉麵, 味道麻麻地, 又冇咩配菜, 連基本嘅荀都冇。再嚟, 冇蟹肉嘅吉列蟹餅, 我食到嘅只係薯餅包住D沙律醬。最後, 別制咪噌拉麵, 义燒好食, 夠淋, 湯都夠濃, 蛋雖然係溏心但個味好腥, 已經COVER哂個醬油味,
**侍應姐姐都幾串架, 一副唔想做你生意咁! 我地聽到佢對其他客人嘅態度好差~! 話說, 有張2人枱放左幾個啤酒杯晌度, 第一次有2個女人入嚟想坐, 個侍應姐姐已經喝佢地, 話哩個位唔比坐。之後有個老婆婆入嚟, 唔想坐BAR位, 想坐2人枱, 由於婆婆已經坐嚟左, 阿侍應姐姐又係好唔滿意咁講, 哩個位係唔比坐, 不過你要坐都得~!**
(哩度係收加一服務費, 哩D就係名符其實嘅比錢買難受喇~!)
坐底睇一睇枱面嘅MENU, 其實我係有衝動想走人去隔離居酒屋食。
首先, 食物選擇嘅種類唔多, 同埋好多都要加錢買配料, 而且價錢都唔算抵。
--普通拉麵HKD74左右, 係連义燒同蛋都都冇嘅。
--叫要义燒拉麵HKD94左右, 先有义燒, 但冇蛋。
--如果想有齊哂义燒同配料, 就要叫特制拉麵HKD99
(另外收加一服務費)
先嚟, 黑芝麻擔擔拉麵, 味道麻麻地, 又冇咩配菜, 連基本嘅荀都冇。
再嚟, 冇蟹肉嘅吉列蟹餅, 我食到嘅只係薯餅包住D沙律醬。
最後, 別制咪噌拉麵, 义燒好食, 夠淋, 湯都夠濃, 蛋雖然係溏心但個味好腥, 已經COVER哂個醬油味, 麵都唔錯, 不過好快就淋身。
題外話/補充資料：
總括嚟講, 味道係唔錯, 但未去到值哩個價, 而且選擇唔多。
另外, 員工態度真係好緊要, 我同我朋友都覺得侍應姐姐好似同食客有仇咁, 好怕去D氣氛咁差嘅地方食飯。大家都係想開開心心食個晚餐, 如果入到一間店, 服務態度差, 真係幾好食都係假。
(以上食評乃用戶個人意見 , 並不代表OpenRice之觀點。)
張貼
