MOS Burger (已結業)

MosBurger喺香港開咗成兩年，但一直都冇幫襯過...既然有coupon，今日就走去一試...地點係朗豪坊分店，得一條line排隊，其實都唔明，點解唔整多個cashier呢？take order果陣，個收銀員都好有禮貌，但總覺得佢好心急咁，好似冇咩聽到人講乜就向後面嗌：「再嚟辣雞漢堡...大薯...蝴蝶蝦...」嗯...有啲擔心佢冇聽清楚...拎住個牌，等咗一陣，就有得食，辣雞漢堡嘅size同M記嘅包差唔多大，但味道就唔錯啦，雞肉炸到好香，但辣就唔係好辣囉...薯條真係好好食，粗身嘅薯條，炸到熱辣辣，好香薯味，亦好有口感，抵我要個大嘅...仲有一個蝴蝶蝦，係額外買嘅，佢哋將隻蝦劏開咗嚟炸，結果係太乾身，硬屈屈，食唔到蝦嘅甜味，我估如果佢哋唔劏開嚟炸，可能會好少少，至少有啲口感...後記：食到尾嘅時候，有個女仔坐咗喺我前面，而佢男朋友就企咗響我後面等，其實等位人人都會，但好似佢兩個咁等成咁就真係有啲驚，睇佢哋個款似趕我走多過係等我食完，一副不滿嘅神情，見到都煩...