影片
更多
2019-06-06
65 瀏覽
之前去睇Van Gogh Alive 嘅展覽，搵資料期間，無意中見到呢間餐廳嘅資料。Van Gogh Sense 係由梵高藝術館授權嘅餐廳，所以裡面好多嘅精品、裝修、擺設都將梵高嘅經典融入左係裡面。睇相見到啲野食同環境咁精緻，於是襯重要日子就黎品嚐下。基本上都係套餐黎嘅，有牛扒同魚揀，我揀左後者。先上嘅當然係麵包，會特別介紹麵係因為我特別欣賞佢其中一款果仁麵包，煙韌之餘又有果仁香。先上黎嘅頭盤我稱佢為鵝肝三食，分別係鵝肝醬、煎鵝肝同鵝肝配雞蛋清湯。雞蛋清湯直情係用蛋殻裝住，別樹一格。底下嘅溫泉蛋配上面層濃郁嘅雞湯，蛋味香、creamy，細細份令人好回味，鵝肝部分表現亦很理想.食完頭盤就到野菌忌廉湯配黑松露泡芙，黑松露包係酥皮裡面，卷成條狀，最好唔點湯食，咁先食到黑松露嘅味道。主菜鯛魚配魚子醬及香檳忌廉，鯛魚味道同燒鯖魚真係好似，魚油香好重，香檳忌廉好特別但我食唔出香檳味，但同行人就食得出。套餐有飲品包埋，於是分別叫左佢地嘅signature tea：向日葵。真係好香好香呀！而且茶具很美，令人賞心悅目。飲落去係好濃郁嘅蜜桃香，飯後一口茶當refreshment，係優雅環境下繼續吹吹水，飽
之前去睇Van Gogh Alive 嘅展覽，搵資料期間，無意中見到呢間餐廳嘅資料。Van Gogh Sense 係由梵高藝術館授權嘅餐廳，所以裡面好多嘅精品、裝修、擺設都將梵高嘅經典融入左係裡面。睇相見到啲野食同環境咁精緻，於是襯重要日子就黎品嚐下。
基本上都係套餐黎嘅，有牛扒同魚揀，我揀左後者。先上嘅當然係麵包，會特別介紹麵係因為我特別欣賞佢其中一款果仁麵包，煙韌之餘又有果仁香。先上黎嘅頭盤我稱佢為鵝肝三食，分別係鵝肝醬、煎鵝肝同鵝肝配雞蛋清湯。雞蛋清湯直情係用蛋殻裝住，別樹一格。底下嘅溫泉蛋配上面層濃郁嘅雞湯，蛋味香、creamy，細細份令人好回味，鵝肝部分表現亦很理想.
食完頭盤就到野菌忌廉湯配黑松露泡芙，黑松露包係酥皮裡面，卷成條狀，最好唔點湯食，咁先食到黑松露嘅味道。
主菜鯛魚配魚子醬及香檳忌廉，鯛魚味道同燒鯖魚真係好似，魚油香好重，香檳忌廉好特別但我食唔出香檳味，但同行人就食得出。
套餐有飲品包埋，於是分別叫左佢地嘅signature tea：向日葵。真係好香好香呀！而且茶具很美，令人賞心悅目。飲落去係好濃郁嘅蜜桃香，飯後一口茶當refreshment，係優雅環境下繼續吹吹水，飽足嘅一餐，很寫意。
張貼
