影片
更多
2010-02-24
115 瀏覽
因為添置了相機, 所以是日到鴨記逛逛, 今年二月為<<天公造美>>, 氣溫大部份時為十度以下, 正好有新年氣氛鴨記一向早收工, 行完之後, 是時候醫肚了, 天寒地凍靈光一閃, 深水埗桂林街蛇王善早想一試, 擇日不如撞日, 是時候食蛇補下身!正想動身之際, 忽然見到"蛇王協"招牌, 早聞深水埗多蛇食, 原來真係梗有一間係左近蛇王協位置頗偏僻, 因為鴨記太多路邊檔, 正常真的難留意到, 既然命運早注定, 何坊一試?店子雖少, 菜式卻不少, 椒鹽蛇碌等於我黎講幾新鮮, 有機會再試吧店裡格局乃舊式蛇鋪 - 玻璃箱裡有樹枝供蛇"遊玩", 中藥櫃一般既箱"放蛇", 牆上貼滿"餐牌", 如此格局已令我十分期待 (小時候幫襯蛇鋪正正是如此模樣)先來一個細蛇羹 ($28), 找遍餐牌皆沒有生炒糯米飯, 以為沒有, 口痕一問, 原來是有的, 而且更係即叫即炒只賣15蚊, 二話不說, 細蛇羹+生炒糯米飯!蛇羹頗足料, 想起早前工聯會蛇宴真係無得比, 蛇肉很粗大, 到底有幾多種蛇不得而知, 但只是看也知道各種肉是不同的, 吃得出有蛇味木耳爽口, 配上薄脆, 一流, 印象中本身有
鴨記一向早收工, 行完之後, 是時候醫肚了, 天寒地凍靈光一閃, 深水埗桂林街蛇王善早想一試, 擇日不如撞日, 是時候食蛇補下身!
正想動身之際, 忽然見到"蛇王協"招牌, 早聞深水埗多蛇食, 原來真係梗有一間係左近
蛇王協位置頗偏僻, 因為鴨記太多路邊檔, 正常真的難留意到, 既然命運早注定, 何坊一試?
店子雖少, 菜式卻不少, 椒鹽蛇碌等於我黎講幾新鮮, 有機會再試吧
店裡格局乃舊式蛇鋪 - 玻璃箱裡有樹枝供蛇"遊玩", 中藥櫃一般既箱"放蛇", 牆上貼滿"餐牌", 如此格局已令我十分期待 (小時候幫襯蛇鋪正正是如此模樣)
先來一個細蛇羹 ($28), 找遍餐牌皆沒有生炒糯米飯, 以為沒有, 口痕一問, 原來是有的, 而且更係即叫即炒只賣15蚊, 二話不說, 細蛇羹+生炒糯米飯!
蛇羹頗足料, 想起早前工聯會蛇宴真係無得比, 蛇肉很粗大, 到底有幾多種蛇不得而知, 但只是看也知道各種肉是不同的, 吃得出有蛇味
木耳爽口, 配上薄脆, 一流, 印象中本身有少許薑絲, 吃起上黎有另一種香味, 所以我亦無加到檸檬葉, 始終食物能食到原味係最好的
生炒糯米飯又是一絕, 天寒地凍下食到即炒糯米飯感覺就像雪中送炭, 糯米飯因為即炒既關係唔會黐埋一舊, 臘肉、蝦米亦唔算少, 加上蒽花, 成為蛇羹既最好配搭
臨走不忘拎蛇宴資料, $2640一圍比我想像中貴, 不過菜單看來大部份皆同<蛇>有關, 算是真的<蛇宴>, 想比起工聯會千幾元有一席, 我想我下年或者會提議屋企人去呢度食下
最後, 不忘外賣一碗細蛇羹孝敬兩老, 半個鐘車程返到屋企一樣仲暖, 天寒地凍, 食蛇最好
張貼
