更多
2016-05-18
212 瀏覽
近排食慾不振,辣辣地既滋味係最能夠解悶開胃,拜讀過多位食友既食評後,就決定帶埋阿爸阿媽黎呢度食,順便逛下久違了既荃灣區。呢度主打正宗重慶菜,睇睇餐牌選擇都幾多,價錢亦算親民,對於少食辣既屋企人黎講,大家心情都好興奮!先黎一客涼拌豆腐,38蚊,豆腐入口軟軟嫩嫩,健康有益,香辣味令人精神為之一振,好啱熱天食。跟手歎左個招牌口水雞,例牌價68蚊,呢個就比先前個豆腐辣,雞肉都夠鮮同嫩滑,雞味十足,又香又麻又辣,但麻得黎又唔會去到苦既程度,令人口水直流,叫得招牌菜點都有一定水準既!叫得做烤魚大王咁本事,咁梗係要食重慶麻辣烤魚啦!叫左條游水沙巴龍躉($388),小辣,阿爸阿媽都好好奇魚鍋係用長方型盤載,而唔係圓型煲,呢D味人地既地方風味囉!魚係原條上,輕微煎過,上面鋪滿辣椒,浸左係湯入面。先試啖湯,味道相當香濃,辣之中飲到魚既鮮味,跟手就試下D魚肉,都好鮮喎,魚肉結實得黎夠滑身彈牙。沙巴龍躉魚既好處係肉多而骨少,連皮食啖啖肉好享受。個湯底真係會越食越辣,唔食得辣既朋友可能揀清湯比較好。份量亦絕不欺場,成盤放滿滿,成家人都食到咀lam lam。
先試啖湯,味道相當香濃,辣之中飲到魚既鮮味,跟手就試下D魚肉,都好鮮喎,魚肉結實得黎夠滑身彈牙。沙巴龍躉魚既好處係肉多而骨少,連皮食啖啖肉好享受。個湯底真係會越食越辣,唔食得辣既朋友可能揀清湯比較好。份量亦絕不欺場,成盤放滿滿,成家人都食到咀lam lam。
張貼