金記冰室 (康怡廣場北座)

營業中

休息中

今日又去咗側魚涌嗰度睇工程，因為工程進度有問題，所以要落去了解呀，原來係供應商遲咗比料我地，所以拖延咗，了解咗之後打電話返公司 匯報後便提早收工，谂住係側魚涌收工就打電話約表姐食飯，啱啱佢話本來约咗朋友去食飯，点知嗰朋友放佢飛机，好在咁啱我打電話比佢，佢叫我撘電車係兩個站之後，位於太古康山嘅金記冰室等，去到嘅時候因為表姐未到，所以我入去搵位先，無幾耐，表姐身影就在眼前， 等佢坐低嘅時候，叫左侍應攞個餐牌睇睇，望咗一陣 ，我就叫咗一個鮮茄濃汁焗豬扒飯，表姐要咗一個鐵板西冷牛扒跟意粉，要黑椒汁，仲要七成熟，餐飲叫咗杯凍檸茶同埋凍奶茶 ，鮮茄豬扒飯 先上，茄汁好濃， 豬扒好冧，肉質一流，好易入口，表姐嘅鐵板西冷牛扒， 因為佢食唔哂，所以畀咗啲我食， 七成熟都ok， 加埋個黑椒汁 ，都好好味 ，兩杯飲品都保持水準，同表姐 傾咗 個零鐘嘅往事 ，意猶未盡，約埋表姐下次再傾過 ，呢餐表姐話佢請，我同佢講下次到我，跟住就送埋佢返屋企先走人。