十二味麻辣三兄弟 (已結業)

同friend朋友行街，行到六點幾攰攰地，諗住去麥記坐下先揾地方食飯，點知見到原來呢度開左，上次響厚禮街食過都可以，咁就入去試下呢間可以嘛。上次厚禮街唔覺得有麻辣燙，但今次都食返上次的麻辣干煱。在menu 上選十個配菜，再選麵。選左木耳，雞肉，腐皮，魚蛋等，而麵就叫左幼薯粉。 欣賞佢啲配料落得足，真材實料地有幾款唔同椒，大大細細發揮唔同功能，有香有辣，有麻等“百辣齊放”,另外有芝蔴，脆口花生同莞茜再令碗干煱更顯生息。口水雞夠滑，調味夠而辣度剛好，欣賞佢無乜辣油，唔會肥淋淋，有時唔係一味多就得嫁啦！食完個口麻下麻下，幾過癮。充左一輪電又行多一陣先返屋企。