影片
更多
2015-11-17
1737 瀏覽
荃灣食肆競爭激烈，天橋之城，交通方便，難得各式小店仍能百花齊放，實屬新界區聚腳首選美食天堂。Cossi位於荃灣廣場後面街，整條街都係食肆，魚旦粉、米線、車仔麵、茶餐廳，均偏向市井之選。Cossi在荃灣區走偏中高價路線，100蚊一個意粉，200蚊一個main, 要喺荃灣實而不華嘅飲食文化中突圍而出，不容易也。意粉或主菜+$38可以轉set, 有湯沙律及餐飲，加$20可升級黑松露蘑菇湯或龍蝦湯。加$25可升級beer或wine.
湯同沙律都係一般貨式，無咩記憶點
一至五(公眾假期除外)五點至八點幫襯，會送小食，呢晚送炸魚蕃茄他他Taco, 絕不欺場，魚肉新鮮炸起熱辣上台，魚肉嫰滑，配以蜜糖醬汁，非常討好。
不過侍應們好似比較健忘，上完主菜要提醒下先記得上呢個小食，要求加水均要提幾次。黑松露薯條($48)，用啲黑松露醬同啲炸好嘅薯條mix一下，上枱嗰一刻薯條嘅熱氣蒸一蒸，的確好香，但該快感只能維持5秒左右。整碟薯條脆度不一，有一半係硬，並唔係脆。
肉眼扒10oz($248)，薄身牛扒，肥肉偏多，焦香味濃，如果一個人食我相信會好漏，個汁偏淡味，自己覺得唔點牛扒焦香味更突出更香口。配菜出色，蔬菜
荃灣食肆競爭激烈，天橋之城，交通方便，難得各式小店仍能百花齊放，實屬新界區聚腳首選美食天堂。
Cossi位於荃灣廣場後面街，整條街都係食肆，魚旦粉、米線、車仔麵、茶餐廳，均偏向市井之選。Cossi在荃灣區走偏中高價路線，100蚊一個意粉，200蚊一個main, 要喺荃灣實而不華嘅飲食文化中突圍而出，不容易也。
意粉或主菜+$38可以轉set, 有湯沙律及餐飲，加$20可升級黑松露蘑菇湯或龍蝦湯。加$25可升級beer或wine.
湯同沙律都係一般貨式，無咩記憶點
一至五(公眾假期除外)五點至八點幫襯，會送小食，呢晚送炸魚蕃茄他他Taco, 絕不欺場，魚肉新鮮炸起熱辣上台，魚肉嫰滑，配以蜜糖醬汁，非常討好。
不過侍應們好似比較健忘，上完主菜要提醒下先記得上呢個小食，要求加水均要提幾次。
黑松露薯條($48)，用啲黑松露醬同啲炸好嘅薯條mix一下，上枱嗰一刻薯條嘅熱氣蒸一蒸，的確好香，但該快感只能維持5秒左右。整碟薯條脆度不一，有一半係硬，並唔係脆。
肉眼扒10oz($248)，薄身牛扒，肥肉偏多，焦香味濃，如果一個人食我相信會好漏，個汁偏淡味，自己覺得唔點牛扒焦香味更突出更香口。配菜出色，蔬菜非常之清甜，焗薯味濃。
黑松露意大利飯($108)，好creamy好cheese，多菇，唔錯
利申: 因為自己識煮西餐，所以對西餐要求會高啲，以上菜式其實難度唔高，味道亦點見得有何獨特之處
枱與枱之間距離太近(我坐樓下，枱與枱之間只有30cm距離)，枱面餐紙又同價位有點格格不入，侍應記憶力同熱誠有進步空間，菜式也不算非常有特色，非你不可嗰隻。不過星期一都爆場，所以她有她的生存之道。
張貼
