影片
更多
2010-01-24
12 瀏覽
今日終於嚟試Saizeriya Italian Restaurant,又係一間想試好耐嘅餐廳,全因佢多笑臉食評!!!9點幾到,唔駛等2分鐘就有得入,實在太好~正合我唔鐘意排隊等嘅意思,哩度比我想像中大得多,又唔會話好逼,裝修好簡單,環境算唔錯~~~一打開餐牌,好多選擇,好多野都想食,當然預先上open rice做左功課,好快就揀倒6樣最想食嘅野,其實好多都想試想食,但礙於同朋友二人唔可以試太多款,試住最想試個D先啦~前菜先嚟一個香辣雞翼純粹朋友突然想食~~~上菜見到好普通嘅煎雞翼5隻,一如其名有少少香辣,算有D味,但又唔算好入味,有D似煎嘅時候加埋Dtabasco一齊煎嘅感覺,唔試都無損失~~~尼哥狄索比亞墨魚汁意粉哩個係想食嘅第三位,見到好多人都試,自己又未試過黑蚊蚊嘅墨魚汁意粉,所以就放棄Carborna~可惜哩個有D失望,因為食唔出有咩味,無半點墨魚汁嘅味,簡單嚟講無咩味,不過意粉嘅硬度正合我意,唔會太林,少少硬身,還算可以啦,但食野重口味嘅朋友就一定唔啱,因為連我唔咀(雕)都覺得麻麻地......海鮮意大利飯哩個想食第二位,本人一向喜好意大利飯,鐘意少少濕濕地,D飯吸哂汁嘅口感
9點幾到,唔駛等2分鐘就有得入,實在太好~正合我唔鐘意排隊等嘅意思,哩度比我想像中大得多,又唔會話好逼,裝修好簡單,環境算唔錯~~~
一打開餐牌,好多選擇,好多野都想食,當然預先上open rice做左功課,好快就揀倒6樣最想食嘅野,其實好多都想試想食,但礙於同朋友二人唔可以試太多款,試住最想試個D先啦~
前菜先嚟一個香辣雞翼純粹朋友突然想食~~~上菜見到好普通嘅煎雞翼5隻,一如其名有少少香辣,算有D味,但又唔算好入味,有D似煎嘅時候加埋Dtabasco一齊煎嘅感覺,唔試都無損失~~~
尼哥狄索比亞墨魚汁意粉哩個係想食嘅第三位,見到好多人都試,自己又未試過黑蚊蚊嘅墨魚汁意粉,所以就放棄Carborna~可惜哩個有D失望,因為食唔出有咩味,無半點墨魚汁嘅味,簡單嚟講無咩味,不過意粉嘅硬度正合我意,唔會太林,少少硬身,還算可以啦,但食野重口味嘅朋友就一定唔啱,因為連我唔咀(雕)都覺得麻麻地......
海鮮意大利飯哩個想食第二位,本人一向喜好意大利飯,鐘意少少濕濕地,D飯吸哂汁嘅口感,可惜哩個又唔係我杯茶,上菜時見到好似泡飯咁,D湯汁太多,湯浸林哂D飯,完全唔係我心目中嘅意大利飯,米見佢要卜卜會有咩茄味,又係無咩味,但可取嘅係細細一兜都有唔少海鮮料,雖然都係普通蝦毛仔,所以又衰唔哂囉,但真係好失望........
雜菌Pizza任何一個pizza都係最想食嘅第一位,因為見到價錢,再睇埋個size,就算味道只係一般你都會覺得好好食,因為一個"抵"字,但除左抵,我仲覺得好好味,果然係我最想食嘅第一位,亦係全晚唯一一樣我最推介同無令我失望嘅一款。首先size無話可說, 絕唔係2啖就食哂,唔記得係6寸定9寸,$28咋,真係好抵食~第2就係好多料,D料多到你切嘅時候要推開一邊,仲有D芝士,剛剛好夠食,一切拉開,真係有拍廣告D芝士絲痴住嘅場面出現架~~餅底薄得嚟又唔會太脆,會有飽嘅感覺,嫌芝士唔夠再加少少芝士粉會硬加分~!!!
焗田螺哩個就係open rice做功課要order嘅,見到好多人都有order~~~本人唔係好識食田螺,所以唔知點先為之好食,佢用蒜蓉嚟焗,無可能會失敗,因為口味夠大眾化,但蒜蓉略嫌過多,攪到油都好多,唔好俾D蒜蓉誤導,其實只係細細一隻田螺,好多好多蒜蓉同埋油,一定要用匙斤先食到~!!!!!
辣味腸又一個朋友心血來潮見到人地食先order嘅dish,5條香腸+4條薯角用鐵板上,上菜時仲聽到油彈下彈下嘅聲,夠哂熱辣辣~薯角似乎過左火,好干身~但重點係o係D辣味腸度,果然有辣味,皮帶點脆,不過D肉稍為實左少少,但辣味搭夠,未夠飽當小食適合,喜好食腸嘅朋友唔好錯過~~~
原來仲想試下D扒類同埋個意大利包,但實在太飽了,雖然每碟份量都唔算多.但2個人食6碟真係好full了,留待下一次耍似其他野~~!哩間絕對有再食嘅機會,但下次一定唔會試重覆嘅食物~~~!!!仲有就係下次要試甜品~!!!
特別一提哩度每人加$13無限飲,係自助添飲,汽水咖啡茶都有提供,但係唔係咁鐘意,因為好麻煩,用茶包整嘅凍檸茶,茶唔夠滾,導致沖唔到茶味,點可以自己整凍檸茶呢?後來發現汽水機有lemon tea,馬上呻笨,但講明先,唔係雀檸,維他個D,係唔知咩牌子,但味道還可以,唔難飲~~~咖啡就見人見智,表明睇好多好多款,但相信D咖啡粉都唔係咩靚貨,因為幾隻都偏苦,要落勁多奶同糖先入到口,同埋成日out of stock,好麻煩.....
張貼
