叻沙味道 (已結業)

以"叻沙味道"為店名，主打好幾款東南亞菜式如肉骨茶或海南雞飯等。仲以為叻沙係呢度嘅招牌菜，會整得好出色，點知原來得個名。呢度環境唔錯，空間大而且有好多卡位。睇睇menu，除咗東南亞菜外，亦有中式小菜。見set lunch已有叻沙揀，所以order咗套餐。鯪魚球海蝦肥牛叻沙。叻沙可選辣度，我揀咗大辣。見到碗麵，我嘅感覺係油到冇朋友。所謂大辣，同我自己加大量辣油冇嘜分別。真係湯都唔敢飲多啖。味道方面，有啲失望。完全冇叻沙應該有嘅椰香同蝦膏嘅惹味。如果＂叻沙味道＂係咁，我之後應該唔會再食叻沙囉。配料就只有鯪魚球好食。連個豆卜都好硬。雖然份量足，但重量唔重質。套餐$38，凍飲+$5，盛惠$43。雖然唔係貴，但食一次就夠。