Kuru Kuru自家製手作意粉 (已結業)

早前開幕見佢排曬隊，今晚同女朋友晚餐，打算試吓啦，見佢冇曬人排隊⋯⋯原來係有原因。兩個人點了兩個餐，各加三十蚊。以下為食評。沙律就普普通通，切得衰大大塊但多沙律醬我覺得ok。餐湯係忌廉粟米湯，冇忌廉又冇粟米，真係唔知佢點煲，生粉水味精湯。我食左 蜆肉蝦仁蕃茄意大利粉，味道好清淡，太清淡，完全冇蕃茄味。所謂手工親大利粉我食唔出同手工有乜關係，口感正常比較硬身少許。入面食材只有蜆及蝦仁，蝦仁有三隻，雪藏味太勁，口感不算彈牙，冇甜味又冇咸味又冇蕃茄味。蜆肉只有雪藏腥味，也是不甜又不咸。明顯係不夠新鮮又沒有處理好就煮。女朋友的拉麵我只有試左湯頭就放棄。咸到仲衰過出錢一丁，拉麵麵條睇起來同我個意粉好似一樣，紫菜好細塊同菜單完全不同，淋曬，個蛋係一個白煮熟蛋。我的餐飲。加左五蚊要菠蘿果茶。茶同菠蘿完全冇關係，不過唔太甜算係安慰。結論係。中伏。以上個人意見，謝謝。