影片
更多
2022-10-13
45 瀏覽
第一次寫評語，因為覺得啲好評假嘅，好耐冇喺元朗食泰國菜，見佢咁多好評，所以就訂位，食物質素ok嘅，但食完好口渴，味精幾種，啲枱非常細，唔夠放嘢食，要急急食完收碟先放到嘢，仲要係自己執埋叫佢攞走先會收碟，咁嘅環境及服務差到一個點，因為太口渴，啤酒和椰青都飲完，叫咗3次都冇人斟水，再叫多一次，個女仔過嚟斟水，但整跌杯水到咗落我度，只係黑面講咗一聲sorry就算，完全冇攞返起隻杯，由得啲水流晒落我到，然後佢攞起我老公隻柸斟水，我要自己攞返起俾佢整跌嗰隻杯自己攞紙巾抺，跟住我同佢講，你應該攞毛巾俾我抺水，而唔係繼續斟水，佢完全唔理我，我同佢講咗三次要毛巾佢都冇理我，跟住收銀走過來同我講，話佢係泰國人，所以唔識聽，但係只係唔識聽毛巾兩個字好奇怪，其餘又識聽，我老公覺得佢係特登整跌個杯水落我度，因為唔想斟水，阻住佢傾偈，咁嘅服務態度和價錢，真係差到一個點🤬🤬🤬
5 瀏覽
0 讚好
0 留言
張貼
