小曼谷泰國美食 (教育路)

營業中

休息中

小曼谷食物好難食，黄咖哩海鮮，魚，蝦，魷魚，唔新鮮，有雪味，串燒牛，豬，雞，又雪味，又乾，又凍，蠔餅，又有雪味，正常D薄餅，重知大家小心中伏，又貴又唔好食，比錢睇單

看了食評一般，但都本著嘗試心態，但都是令人失望。蚝仔餅太油，沒有味道。推介的炒米粉是沒有多少料的。黃咖哩雞麻麻。金磚麵包有水氣淋晒。唯一不太差的是肉碎生菜包。食物質素一般，服務態度一樣。不會再光顧！

醬汁咸，炸蟹唔脆，蟹又雪到縮哂淋哂，魷魚唔新鮮，波羅炒飯尚可，但炒飯入面一樣蝦同魷魚唔新鮮，2人埋單793，如果醬汁冇咁咸，味道有特色d先考慮再去，同普通茶餐廳分別唔大

果晚想食泰國野，見哩間啲正評幾多，於是就兩個人去左試下。環境正常，無特別好坐／唔好坐。服務態度幾好本身想叫番個pad thai/ 泰式粉炒飯咁，但後來見佢有個‘’曼谷期間限定‘’ menu. 有兩個item, 分別係火山排骨同泰式冬蔭功海鮮部隊鍋。我地比個泰式冬蔭功海鮮部隊鍋吸引到，於是就叫左黎試。結果黎到係一煲公仔面上面加一啲冷藏海鮮。本身以為佢叫‘’泰式‘’，會起碼用金邊粉／河粉已經有少少失望。點知食落仲失望，冷藏嘅海鮮同個面都普通，幾大問題係個冬蔭功湯底又唔酸，又唔辣咁，完全講唔上係冬蔭功，好似自己搵個泰式公仔面落包味精都冬蔭功過佢咁，一啲都唔“泰式”。另外加左份烤餅，又係唔太香，無點調味咁。就係咁完左餐飯。

嚟到九龍城，梗係覆去「小曼谷泰國美食」食泰國菜🇹🇭.牛油蒜蓉燒虎蝦(3隻)🦐虎蝦上放滿白飯魚🐠蒜蓉🧄蔥花😍蝦肉鮮甜爽口🤤加上酸辣汁更開胃🌶️.燒脆皮白鱔(2串)🐟白鱔肥美厚肉😉肉嫩有彈性😗加上少量鹽燒更突出鮮味🧂點上酸辣汁更惹味😋😋.椰汁西米糕拼泰式千層糕🥢西米糕椰汁味濃😛😛千層糕斑蘭味濃郁🌿煙韌軟滑😆😆.椰青🥥入口清涼❄️清甜Refreshing☺️☺️

叫左5樣嘢：肉醉生菜包$108，得個酸冇香味😑泰皇咖喱炒海鮮$258，最差，咖喱好稀得個甜冇咖喱味，兩隻蝦(仲要霉嘅完全唔新鮮)/青口，其他濕濕碎碎鮮魷帶😤酥餅$48，得個油又硬🙄馬拉盞炒椰菜苗$98，啲汁成盆水咁，奇奇怪怪🥴唯一只有木瓜絲沙律$78味道合格😬食過最差的泰國菜，加埋一共$649，食物差，價錢完全唔值😠好想講芭堤雅好食好多好多好多倍～～～

今日朋友話想食海南雞，於是來了這間在元朗多年的泰國餐廳。🌟朋友點了泰式海南雞飯，乍看雞份量好像不算太多，但是朋友說都很足夠，味道亦唔錯👍🏻🌟我就叫了香葉辣椒海鮮炒河粉，可選辣度，我選了加辣。上碟好有鑊氣，河粉唔太厚皮亦好入味，海鮮料都算多，個辣非常惹味，好鍾意 ❤️🥤飲品方面，不用加錢可以飲凍奶茶和凍龍眼冰，啱晒夏天熱辣辣👍🏻👍🏻$60 或 $65 包凍飲/特飲，都真心抵，而且食物有質素，難怪lunch time 都幾多人食。

試咗佢嘅泰式生蝦刺身，冰凍彈牙，膠質滿滿，泰式海鮮汁一淋，鹹辣惹味，好正！再講鹽燒盲鰽，條魚大隻抵食，魚肚入邊塞滿香葉南薑香茅，烤出黎好juicy，味道好鮮。仲有嗰泰式蒜茸包，$48一個，熱辣辣新鮮出爐，蒜蓉香噴噴，咬落酥脆鬆軟，真係食過返尋味！

貴 , 服務差,  環境差 ,  出品相對其他難食.店舖又窄又細, 座得好唔舒適 ,  仲幾污糟添炒垃圾通菜  98 份量小都算, Order 要小辣  , 十幾廿片指天椒 ,好辣囉,  我系食到勁辣 都覺得辣問店員,  回覆是"張單寫左有小辣  "  <--- 問非所答,  比舊屎你單寫住系鮑魚, 食啦你即系有冇小辣唔重要, 勁辣也好, 唔想換囉, 錢照收理得你.   (咁辣同行食唔到啦, 成碟得我食)同行倒瀉水 ,店員掂行掂過當透明睇唔到,  自己抹吧.   成地水也懶鬼得理你.  最好你抹埋地佢118  串燒併盤, 幾串乾柴垃圾隔夜肉,  預製唔知放左幾耐....  好難食下咁服務 仲要收加1永久blacklist

晚餐 一碟小曼谷炒飯 一份燒羊架 同私心推薦+38有份咖喱青口（老老實實講咖喱青口係唔錯 咖喱味正有六隻青口）但燒羊架上黎我O嗮嘴 兩條同廚師腸咁長嘅羊架？128？最後埋單先知收+1 總數301 除開38青口 260食個炒飯同手指羊架

之前食過小曼谷真係唔錯，佢嘅下午茶好抵食，上次見到隔籬枱食黃咖喱雞蒜蓉包，好鬼吸引，今日特登嚟食😋🐔黃咖喱雞肉配蒜蓉包$49連飲品咖喱🐔用個鑊仔+小火爐一齊熱住上，相當有誠意，雞肉份量頗多，個蒜蓉包係厚厚的蒜蓉金磚，點過咖喱汁食一流，不過個咖喱汁屬於偏甜，如果再辣少少會更加惹味🥤泰式龍眼冰 飲落相當清甜，而且仲有幾粒龍眼肉是日消費$49 非常飽肚😆

諗唔到食咩就諗住食呢間好多分店嘅小曼谷，首先一入去叫外賣已經好熱，好似壞咗冷氣咁。服務態度唔錯，不過嘢食嘅質素真係不敢恭維，而且等外賣亦都等咗成25分鐘，見到入面只有一個人做緊嘢。我叫咗冬陰功湯、香芒海鮮炒飯、炒米粉、芒果糯米飯。當中只有冬陰功湯叫做好少少。我未試過因為嘢食難食而要寫負評，但就係因為個芒果糯米飯實在太令人失望！首先個炒米粉普通到費事影相，好似食緊茶記$40兜嘅星洲炒米咁。然後個香芒海鮮炒飯唔夠鹹，冇味。重點嚟喇，芒果糯米飯一睇就知啲芒果好生，冇芒果味，只有一浸草青味……椰漿又少，咁就$80幾蚊…..

星期六中午第一次來食這間泰國餐廳，坐下來先來一碗冬冬陰公湯，冬陰公湯味道和平時喝到的都是一樣，沒有太大落差。然後再加了$29元的小食，泰式鳳爪，這道菜，鳳爪味和酸辣味分開了，吃得出醃製時間不夠。再上的是主食-「泰式海南雞豬頸肉飯」，想不到這道菜有點失望，因為泰國餐廳好基本的素材。雞不滑，煮得太老，醬料完全不配點雞，豬頸肉的醬料還可以，能夠帶出豬頸肉有燒過的味道，但是份量過少，適合女孩子食。最後一道菜是「馬拉盞粉絲炒豬肉片」。這道主食，我要邊食邊狂喝水，因為味道極咸，喜歡食重口味馬拉盞的有機會喜歡食，而本人認為可以輕點手，因為米粉隨隨便便就能夠入味，不用加那麼多調味醬！最後想說一下現場環境，我只是點了兩個主食，一個鳳爪，兩杯飲品，枱已不夠位放食品，枱極小，因為員工把台分成一半，而現場雖然是繁忙時間，但也沒有坐滿客人，我認為可取走枱上的「分隔膠板」，令可擺放更多食物，太大壓迫感了！

當日四個人一齊去用餐，當中有兩位男士，的確四個人坐十分之逼夾十分辛苦，好等我講返啲食物先，有出現漏單嘅情況，不過可能當日生意都好好，食物質素唔錯，推薦串燒！反而咖喱軟殼蟹麻麻。

今天我要分享的是一道來自泰國的經典美食——芒果糯米飯。咁近四月撥水節，試吓啲泰國嘢。這道甜點以其獨特的口感和豐富的味道，在世界各地都享有盛譽。我最近在一家泰國餐廳品嘗了這道美食，簡直愛不釋手。首先，讓我來談談這道芒果糯米飯的點睛之筆——芒果。新鮮成熟的芒果是這道甜品的靈魂所在。它們的香甜味道和柔軟的質地完美地與糯米飯融合在一起。每一口都帶來濃郁的芒果風味，讓人彷彿置身於泰國的熱帶水果園中。芒果的自然甜度和鮮美的口感為整道甜品增添了層次和豐富度。接下來是糯米飯部分。這裡的糯米飯口感黏糯，剛剛好的黏度使得每一粒米飯都緊緊黏在一起，與芒果完美結合。糯米飯本身帶有一種微微的甜味和濃郁的糯米香氣，與芒果的甜度相得益彰。咀嚼時，糯米飯的黏糯質感與芒果的爽脆口感交織在一起，令人愉悅無比。最後要提到的是椰奶。這道芒果糯米飯上淋滿了香濃的椰奶，給整個甜品帶來了豐富的奶香味道。椰奶的滑順口感和濃郁的味道與芒果和糯米飯完美融合，營造出一種令人陶醉的美味享受。