新樂餐廳 (已結業)

最近轉到佐敦道返工，區內雖然食肆林立，但午餐時經常要搵位食飯，都幾辛苦 。今日同班同事傾開知道平時飲茶間新樂酒樓上面10樓仲有間Coffee Shop做Lunch Buffet，於是就一行3人上去試探吓。去到酒店門口已經有員工開門俾我哋入去，果然係酒店式服務!! 上到去仲唔使等位(我食1-2pm)，後來先發現原來1pm前埋單有免加一優惠，所以1pm後少d人。食物選擇不算少，而且款式不會死板，補充源源不絕，絕對不用同人爭。有沙律、冷麵、中西湯、麵包、熱盤約10款、另外甜品方面也有很多選擇，糕點類至糖水以及雪糕也有，紅豆雪糕的紅豆又多又大粒，正!個人較喜歡沙律及冷麵，再加埋炸雞翼很惹味，可以食多幾隻! 同事們則大讚豬腳薑及蒸鯇魚，攞完一碟又一碟，話而家好少地方Lunch Buffet有。埋單時個經理同我哋講聽日開始逢星期一至四Lunch同埋Dinner都會有8折!!!我睇返之前d食評都好多人對呢間Cafe個Dinner俾幾多好評，搵日收工可以過去試吓!