影片
更多
2009-07-24
11 瀏覽
朋友推介我來呢間食, 間餐廳網頁有coupon download, $148/大人, 即管試吓...睇openrice comment已知o的位好窄, 於是訂位時講明有細路, 要求畀個闊o的既位...6:15pm去到, 冇乜人, 果然可以畀個闊位...一坐低侍應即刻問飲乜野, 好快講o左一大段, 聽唔切, 要求佢再講過, 好熱情叫我點野飲, 好似想我飲飽o的唔會點咁多菜咁...點菜, 見comment推介水蟹粥同北海道海鮮鍋, 即管試埋...都好快上菜...水蟹粥冇蟹味, 粥底似白粥, 下次可以不叫了 ! 燒牛肉粒都唔錯剌身 : 三文魚好肥好好味, good ! 吞拿魚就, 我從未食過咁難食既吞拿魚o架 ! 有筋有渣有雪味, 食一塊吐番半塊出來, 奉勸不要order !北海道海鮮鍋, 個湯底真係有牛奶味, 我畀個囡試味佢都飲得出奶味, 不過, 以為有條海帶, 諗住醒老公食, 點知佢咬一口即刻吐番出來, 話鯹到嘔, 仲要即刻用水洗口, 佢話原來係魚皮...見咁"堅", 鍋內有舊魚, 我只係敢用筷子挑少少試..頂唔順, 我都要吐出來, 但其他蝦呀, 黃芽白呀, 芋絲呀都ok.天婦羅幾好味,
睇openrice comment已知o的位好窄, 於是訂位時講明有細路, 要求畀個闊o的既位...
6:15pm去到, 冇乜人, 果然可以畀個闊位...一坐低侍應即刻問飲乜野, 好快講o左一大段, 聽唔切, 要求佢再講過, 好熱情叫我點野飲, 好似想我飲飽o的唔會點咁多菜咁...點菜, 見comment推介水蟹粥同北海道海鮮鍋, 即管試埋...都好快上菜...
水蟹粥冇蟹味, 粥底似白粥, 下次可以不叫了 !
燒牛肉粒都唔錯
剌身 : 三文魚好肥好好味, good ! 吞拿魚就, 我從未食過咁難食既吞拿魚o架 ! 有筋有渣有雪味, 食一塊吐番半塊出來, 奉勸不要order !
北海道海鮮鍋, 個湯底真係有牛奶味, 我畀個囡試味佢都飲得出奶味, 不過, 以為有條海帶, 諗住醒老公食, 點知佢咬一口即刻吐番出來, 話鯹到嘔, 仲要即刻用水洗口, 佢話原來係魚皮...見咁"堅", 鍋內有舊魚, 我只係敢用筷子挑少少試..頂唔順, 我都要吐出來, 但其他蝦呀, 黃芽白呀, 芋絲呀都ok.
天婦羅幾好味, 炸生蠔一流, 有蠔味冇鯹味, 呢個掂, 呢間做炸野出色...
壽司 : 明明order炸軟殼蟹手卷, 上到來只係"咁"咋? 呢隻唔係叫太卷咩? 凍晒, 個蟹唔好食. 鰻魚芝士壽司, 鰻魚唔錯, 芝士好味, 似放一啦笑牛牌芝士入裡面咁, 不過件壽司畀火鎗燒到飯都燶埋, 要挑走o的燶至食得.
再來壽司 : 三文魚壽司唔掂, 冇魚味, 下價貨色. 火燒吞拿魚壽司, 同刺身一樣咁難食, 試一口即回吐, 奉勸三思 ! 其他壽司一般啦...
我o地一家人輪流映相, 侍應哥哥主動話幫我o地映家庭相, 值得一讚.
是晚有四枱唔同位置既人慶祝生日, 我o岩o岩找數侍應唔得閒收錢, 突然熄晒燈, 開蓮花燭, 氣氛好好, 不過個場真係好窄, 行開行埋出入去洗手間呀走人呀, 個pat pat會碰到左右兩邊枱, 咁您諗吓o的通道有幾"闊"o勒, 攪到搔擾到人o地食野, 如兩個人去, 張枱唔夠兩呎闊, 一定要逐少逐少叫野食, 張枱冇位放o架! 我老公仲話萬一touch wood火警, 咁多人一齊走都幾大鑊, 我就即時叫佢唔好掃興啦...
整體 : 一分錢一分貨囉, 我寧願畀多少少, 返SZ "上井" 放題
張貼
