Crispy Bistro (已結業)

又到一星期嘅開始，梗要嘆個豐富早餐先返工，但起身已經8點半，仲咩早餐吖，趕返工啦！但我係唔會空肚食午餐架，所以偷見客前少少時間，去到西營盤呢間好有外國feel嘅Crispy Bistro 嘆番個早餐，咁至係Good Monday！Crispy Bistro夜晚係酒吧，日頭就變身做Coffee Shop。除咗咖啡，仲有甜點同輕食，最舒服係呢度嘅文青氣息。啱晒嚟慢活一陣。呢度既設計以木為主題，好有特色，枱用左舊式感覺既木質，配上唔同嘅花紋，好有特色，櫈就畫左好多唔同圖畫，呢張貓頭鷹就好得意。行入少少嘅相片牆，上面掛住馬賽克燈就好有歐洲feel。Salmon, Crepe Breakfast and Pineapple Juice作為早餐，我覺得最重要係沙律菜配上黑醋，夠晒健康！而早餐嘅其他配料包括煙三文魚、炒蛋、薯餅、茄汁豆，而當中炒蛋都幾驚喜，好滑呀！原本跟餐係食窩夫，但唔好甜嘅我，就轉咗呢個即叫即製煙肉可麗餅，餅身有好香蛋味，熱辣辣，唔錯。果汁有3個選擇：蘋果、橙同菠蘿，而我今日就揀咗菠蘿汁，唔會死甜，夠晒開胃。