美味廚 (已結業)

星期五夜晚無訂枱食飯，諗住求其搵野食下，點知間間都排滿內地人去到亞士厘道搵野食，見美味廚唔使排隊。入面坐滿哂內地人。店員落單、服務好快。一埋位就有酸菜食，唔太酸，甜甜地好開胃。排骨擔擔麵係分開上，排骨唔會淋。排骨入面透明果d唔知係肥膏定炸粉。唔多肉，味道甜甜地，好似加左冰糖。膽膽麵無花生醬味，完全唔可以叫擔擔麵。咸肉津白嘅咸肉無切碎，成塊食好咸，好似食鹽。津白個汁好傑，口感似鼻涕。兩個人食左$120。今時今日尖沙咀舖租咁貴，想食平野又唔難食真係好難。