和光

營業中

休息中

Weekend 最適合就係去cafe chill 一 chill。今次去左西營盤站附近嘅和光咖啡屋。坐位雖少，但佈置令人感到好舒服。試左兩款蜜柑飲品。分別有日本蜜柑焙茶同期間限定特色飲品“黑暗之光（ Ice Americano with Madarin）兩款飲品都好特別，蜜柑焙茶分三泡，第一泡會飲到焙茶茶香，第二泡會試到佢嘅蜜柑味，第三泡會有伯爵茶香味。而黑暗之光其實比較似有蜜柑味嘅espresso，好濃嘅咖啡香但又有好重嘅蜜柑味，非常消暑。食物方面，叫左和光茶漬飯餐（日本國產牛肉片）茶漬飯用左燒飯團更加香口。玉子燒同凍豆腐都冇得輸。另外，日式嘅全日早晨套餐都好少地方有得食。套餐有紅豆吐司，雜菜小冷盆，甘薯，醬燒豆腐扒，燒豚骨腸，西京燒嫩雞塊。紅豆吐司烘得非常鬆脆，配合紅豆食落好有驚喜。整體而言，飲品同食物都好有特色同驚喜。