東京大眾酒場 (已結業)

今晚同女朋友遊大角咀 點知比我地發現左一個新商場 呢個商場係啲橫街 位置都唔係太顯眼 黎得嘅多數都係附近翻工嘅人 商場有幾間食肆 咁地就簡左呢間食日本菜嘅餐廳 裝修都好有格調同日本風味飲品方面 分別叫左一枝靜岡信州白提子梳打同桃梳打 先講提子梳打 甜度適中 一入口都飲得出好濃郁嘅提子味 桃味梳打聞到淡淡嘅桃香味 桃味嘅甜味較提子嘅淡 但一樣都飲到好重桃味 兩枝野飲擺左一陣都仲有氣關東煮賣相十分精美 鋪頭仲準備左辣油 等客人可以點黎食 個辣油哄埋去聞都會聞到啲香料味 辣度都夠 一擺入口 會食到椒麻味比較重 同時會帶少許麻痺感覺 唔會刺激你條脷 反而係刺激喉嚨嘅位置 蘿蔔食落非常之清甜 最欣賞嘅係啲蘿蔔全部食落去都唔會起渣竹輪煮得好入味 索哂關東煮個湯汁嘅味 咬落亦夠彈牙 日本魚餅 呢樣真係比較少係出面食到 個質感同竹輪有啲相似 但佢就淋身啲 同埋帶少少魚嘅鮮甜美人鍋 個鍋真係夠哂大 裡面放左好多材料 主要以雞肉為主角 配料有娃娃菜 紅蘿蔔 豆腐 冬菇 大蔥 雞肉就無做特別嘅調味 所以好食到雞個原味 雞肉嘅肉質嫩滑 如果你係食濃味嘅人 可以點翻關東煮個辣油食 湯底就唔係日式濃湯 反而係