野郎Stone Ya Rou Stone

營業中

休息中

今日揾個住北角的朋友於北角匯逛逛，到了晚飯時間，朋友提議吃石燒牛，聽落好吸引啊！餐廳位於一田超級市場內，不時傳來陣陣香噴噴烤肉味。友善的店員殷勤款待，細心講解各款美食。除了石燒，仲有蒸的食法。美國牛肉片蒸籠定食~定食本身包三個前菜、白飯及味噌湯，肥美的牛肉令人垂涎欲滴，入口即溶，極豐富脂肪感，爽呀！蒸牛呢個食法原汁原味，健康推介。原個蒸籠鋪滿牛肉片，下面的旺菜、翠肉瓜、雞髀菇同本菇索滿肉汁，特別香甜。石燒翼板(200g)~+$30轉套餐，飯、薯蓉、湯、沙律都是無限添加，仲有汽水一罐。熱辣辣石燒烤肉到，先用廚房紙擋住油脂飛彈，咋咋聲更加增添食慾。打開時見到牛肉的真面目，鮮嫩的血紅感覺讓人知道牛肉的新鮮程度非常高。牛肉味非常香濃，一試難忘，口感不錯，記得唔可以太熟。