鮨一 (厚福街)

營業中

休息中

上次在這座藍馬商業大廈經過見到”鮨一”有三層, 都想試下點解咁強勢, 所以特意訂了今日來食,被安排坐在吧枱，可以見住師傅手勢。先叫了日本蘋果沙律$98, 第一次食, 估唔到日本蘋果份外清甜, 原來蘋果配蟹籽, 會更開胃, 作為前菜非常好, 再點了辣味噌煮和牛腹$98，和牛腹肉質好淋，仲有筋同脂肪香，味噌口味濃，微辣。再點了鮨一手卷和香蔥吞拿魚腩手卷，有別於一般手卷用三角筒形狀，這裡是長方形的，鮨一係呢度招牌菜，上枱時嘩左一聲，海膽好震撼，而且味道甘甜，好想追住食，相信係日本直送，面還鋪了金箔，中間仲有吞拿魚腩，面有三文魚籽，下面仲用了赤醋壽司飯，連埋紫菜，一次過食到5種味道，層次感非常豐富，另一件香蔥吞拿魚腩，魚腩油香味濃，撈埋香蔥更清香。叫了一份炸物，係炸明太子雞翼，炸得好乾身外皮好脆，唔油膩，裡面的明太子微辣，肉質結實。重頭戲來喇，賣相像盤景一樣，睇得又食得，叫了粒貝刺身$398 和石恆貝$116，粒貝外形似一隻大響螺，肉質爽脆，味道極鮮甜，好像象拔蚌咁，大廚切到好薄，真是考刀功，而石恆貝肉質較厚，海鮮味更鮮甜，面還掃上特製醬油。