影片
更多
2015-06-26
1515 瀏覽
早前入過東涌搵食，雖然蒲台島先喺香港最南，但東涌（加埋機場）晌我嘅搵食地圖已經喺最南；隔唔夠幾多日，由最南走到最北，嚟到上水食雞煲，地點就喺街坊食堂嘅石湖墟熟食中心，專程捧朋友場 。第一次到石湖墟熟食中心，一如好多市政嘅熟食中心，美食廣場格局，但估唔閒日晚依然咁旺場，人聲鼎沸，正式嘈喧巴閉，咁先喺本土嘅地踎風情 。日頭喺興記麵家，晚上遙身一變，成為三和火鍋雞煲。餐牌唔多描述嘞，一張點菜紙（湯底、佐酒小食、海鮮、丸類、肉類、蔬菜、什項、粥品、飲品、啤酒）乜都睇晒。總之，今晚打正旗號嚟食雞煲 ，所以，火鍋料就變得其次，一起身就整兩款雞煲先，火鍋料就隨意點少少。 酸辣青瓜雲耳 $20 雞煲製作需要，先食住個酸辣青瓜雲耳間一間場，青瓜、雲耳同樣爽脆，尤其後者更喺有益健康之美食，灑上好多蒜蓉，酸辣開胃之餘，又有陣陣蒜香。 胡椒豬肚包雞 $238（全隻） 「煲」底有多款選擇，如胡椒蟹煲、澳門豬骨煲、椰子花蟹雞煲、滋補藥材花雕醉雞煲……等等，先試個胡椒豬肚包雞。話就話喺「包」雞，查實只喺全雞之上放上豬肚，未有做到真正包雞，因為外間好多店子都真喺做到成個豬肚包住整隻雞，雖然外觀上未有
第一次到石湖墟熟食中心，一如好多市政嘅熟食中心，美食廣場格局，但估唔閒日晚依然咁旺場，人聲鼎沸，正式嘈喧巴閉，咁先喺本土嘅地踎風情 。
日頭喺興記麵家，晚上遙身一變，成為三和火鍋雞煲。
餐牌唔多描述嘞，一張點菜紙（湯底、佐酒小食、海鮮、丸類、肉類、蔬菜、什項、粥品、飲品、啤酒）乜都睇晒。總之，今晚打正旗號嚟食雞煲 ，所以，火鍋料就變得其次，一起身就整兩款雞煲先，火鍋料就隨意點少少。
酸辣青瓜雲耳 $20 雞煲製作需要，先食住個酸辣青瓜雲耳間一間場，青瓜、雲耳同樣爽脆，尤其後者更喺有益健康之美食，灑上好多蒜蓉，酸辣開胃之餘，又有陣陣蒜香。
酸辣青瓜雲耳
$20
75 瀏覽
1 讚好
0 留言
「煲」底有多款選擇，如胡椒蟹煲、澳門豬骨煲、椰子花蟹雞煲、滋補藥材花雕醉雞煲……等等，先試個胡椒豬肚包雞。話就話喺「包」雞，查實只喺全雞之上放上豬肚，未有做到真正包雞，因為外間好多店子都真喺做到成個豬肚包住整隻雞，雖然外觀上未有做到「原貌」，但味道不俗，湯底帶有濃濃胡椒香，豬肚爽口無臊味，雞肉入口又幾嫩滑，而且，份量實在唔講得少 ，所以，清晒啲雞煲料都唔需要點太多火鍋配料。
胡椒豬肚包雞
$238
189 瀏覽
0 讚好
0 留言
雞煲依家賣到成行成市，各家有各家嘅配方，因為個胡椒豬肚包雞只有全隻選擇，所以，個重慶麻辣雞煲就要半隻嘅份量。一打開煲蓋，一陣陣嘅麻辣香氣隨即四竄，香氣四溢 ，雞肉既腍滑，又入味，雖然只要小辣，一樣惹味 。
重慶麻辣雞煲
$138
102 瀏覽
1 讚好
0 留言
手切肥牛 $188 本地肥牛，油花唔算好多，但勝在肉味濃，輕灼入口，腍滑好食。不過，諗住入到嚟上水，成本應該相對低啲，但賣$188嘅肥牛都唔喺好多。
手切肥牛
$188
64 瀏覽
1 讚好
0 留言
芝士丸一向大有市場，依一款加入「 鹽燒 」元素，又會喺點？其實鹽燒個效果唔喺好突出，但溶透幼滑嘅芝士，令粒丸嘅美味度差極有個譜。
鹽燒芝士丸
$38
45 瀏覽
1 讚好
0 留言
響鈴 $28、山根 $15 漸漸響鈴已成為打鞭爐例點嘅必然之物，其實好吊詭，究竟想入口喺脆，定喺索滿汁呢？所以，小弟反而鍾意食山根，索滿汁，腍腍滑滑咁，咬落又煙煙韌韌，有趣！
響鈴、山根
125 瀏覽
1 讚好
0 留言
以餃類嚟打鞭爐小弟一向覺得麻麻，溝雜晒個味道之餘，好多時都煮爛咗；然而，啲香菇貢丸唔錯，內裡嘅香菇醬幾濃香。
菜肉餃、香菇貢丸
46 瀏覽
1 讚好
0 留言
睇起嚟頗為新鮮，輕灼一會就可以，放入口非常鮮甜，帶微微嘅脆口感。
脆鯇片
$38
39 瀏覽
0 讚好
0 留言
兩個雞煲，讓大家食咗唔少肉，臨尾階段，喺時候補充番多少少纖維質，鮮枝竹貪佢有豆香及有嚼頭。
鮮枝竹
$20
45 瀏覽
0 讚好
0 留言
朋友嘅至愛，竹笙打鞭爐又真喺幾好，一來佢本身有益健康，二來淥幾耐都唔怕，唔縮又唔會爛，口感實喺爽嘅，吸收湯汁，豈會唔好味 。
竹笙
$28
46 瀏覽
0 讚好
0 留言
蔬菜嘅嘢，都喺隨心點，用得嚟打鞭爐都唔喺食其菜鮮味，所以，食也菜由他人發辦可以喇。
唐生菜
$18
32 瀏覽
0 讚好
0 留言
整體而言，雞煲甚有水準，份量又夠十足，定價合理，然而火鍋料嘅款式及質素雖則不俗，但算唔上好突出。另外，始終地點對好多九龍人及港島人會嫌遠有啲偏，較難得區外客撐場，不過，以其質素相信可吸納唔少粉嶺及上水區嘅客人。
張貼
