富臨漁港 (已結業)

今日和姊姊們聚餐，咁啱嫂嫂快要返澳洲，所以就約埋一齊食，諗住近近哋就嚟呢度啦。法式龍蝦球伊面底 - 龍蝦球幾爽口，味道OK，但太多Sauce，伊面又淋咗D。原隻花膠扣鵝掌 - 鵝掌OK，但花膠唔夠淋，生菜撈咗D汁就幾好味。原盅燉宮殿雞湯 - 湯十分足料，呢個最好味，正！清蒸海青班 - 青班都幾新鮮，但細條咗少少，又嚡咗D。粉絲大元貝 - 麻麻哋，冇乜味。富臨燒鵝皇 - 燒鵝都唔錯。南瓜露 - 唔夠南瓜味，好彩唔太甜。最後有鮮果盆，仔仔話好味。跟餐有2jars竹庶水，淡淡哋都OK。包茶芥和加一，每席$698 (5位)後加芒果布甸($12)足料，好味道，埋單$710。