影片
更多
2022-06-19
689 瀏覽
星期六終於有時間去上環影Ian嘅生日壁畫🎉，行開嚟呢頭就順便食埋飯。我哋竟然發現「3rd Space」夜晚都有開，所以第一時間入去就係問清楚Last Order未🤣。原來餐廳最近試開晚市，睇吓有冇機會開拓新市場，今時今日經營小店真係一啲都唔容易🙏🏻。之前嚟食過班戟同意粉，呢晚就一於試吓佢嘅飯。廣島牡蠣炊飯($140)，朋友鍾意食蠔🦪，所以二話不說揀咗呢個廣島蠔飯。蠔自然係主角，有四大隻，每隻都好肥美，味道鮮甜唔腥，沾埋旁邊嘅蠔汁食更出色。🍚炊飯亦唔馬虎，底汁用上醬油、味醂同昆布等材料所煮成，再加埋野菌🍄、蓮藕同牛蒡，食落幾豐富。24小時浸煮鮮豚肉角煮慢煮蛋穀米茶漬飯($120)，🍶茶漬飯儀式感十足，提供埋教學教你點食，鰹魚湯熱辣辣，滲出淡淡茶香，另外再撈埋蛋汁食🍳，就製造出湯飯喇。🐷慢煮豚肉片帶點肥膏，口感炆至軟淋淋，好邪惡；調味用上鰻魚汁，估唔到有呢個組合。飲品方面，兩杯都係綠色💚，分別係宇治抹茶豆乳拿鐵配北海道牛奶雪糕($58)同埋紫蘇梅鮮青瓜梳打($55)。🍵Latte抹茶味突出，配上荳奶底同樣細滑，店員建議撈匀雪糕一齊飲，撈完反而仲無咁甜呢。青瓜梳打好清新🥒，至於粒梅就自己篤，
星期六終於有時間去上環影Ian嘅生日壁畫🎉，行開嚟呢頭就順便食埋飯。我哋竟然發現「3rd Space」夜晚都有開，所以第一時間入去就係問清楚Last Order未🤣。
原來餐廳最近試開晚市，睇吓有冇機會開拓新市場，今時今日經營小店真係一啲都唔容易🙏🏻。之前嚟食過班戟同意粉，呢晚就一於試吓佢嘅飯。
廣島牡蠣炊飯($140)，朋友鍾意食蠔🦪，所以二話不說揀咗呢個廣島蠔飯。蠔自然係主角，有四大隻，每隻都好肥美，味道鮮甜唔腥，沾埋旁邊嘅蠔汁食更出色。🍚炊飯亦唔馬虎，底汁用上醬油、味醂同昆布等材料所煮成，再加埋野菌🍄、蓮藕同牛蒡，食落幾豐富。
24小時浸煮鮮豚肉角煮慢煮蛋穀米茶漬飯($120)，🍶茶漬飯儀式感十足，提供埋教學教你點食，鰹魚湯熱辣辣，滲出淡淡茶香，另外再撈埋蛋汁食🍳，就製造出湯飯喇。🐷慢煮豚肉片帶點肥膏，口感炆至軟淋淋，好邪惡；調味用上鰻魚汁，估唔到有呢個組合。
飲品方面，兩杯都係綠色💚，分別係宇治抹茶豆乳拿鐵配北海道牛奶雪糕($58)同埋紫蘇梅鮮青瓜梳打($55)。🍵Latte抹茶味突出，配上荳奶底同樣細滑，店員建議撈匀雪糕一齊飲，撈完反而仲無咁甜呢。青瓜梳打好清新🥒，至於粒梅就自己篤，酸度自行調節。
餐廳面積唔大，不過裝修有花心思，店內外油上日式風情畫🎌，而且佢仲有天井座位添。同場加映，送上Ian生日打卡牆📸，Happy Birthday。
總括嚟講，呢晚食嘅和式飯幾有特色🍱，除咗Pancake之外，仲可以嚟幫襯佢嘅主食。上環呢個小區好幽靜，感覺休閑，令人舒服🍃。餐廳而家開埋夜晚，多咗時間可以嚟到訪啊~。
張貼
