The Trafalgar Brewing Company

營業中

休息中

難得週末放假，係openrice尋覓到呢間餐廳，看似不錯。所以決定同朋友一齊去試一試去到個間餐廳，服務員都好欣勤和友善去接待和招呼我們。我們點叫set餐一齊share，當中包括是日餐湯，煙三文魚凱撒沙津，主菜就係烤眼肉扒，配焗薯，青豆，紅蘿蔔，炒洋葱和燒汁。是日餐湯白湯磨成蓉，易入口，味道適中。我幾中意煙三文魚凱撒沙津，幾大碟，煙三文魚都幾新鮮，而且煙三文魚件數都不少當服務員端上重頭菜烤眼肉扒，配焗薯，青豆，紅蘿蔔，炒洋葱和燒汁上枱，我和朋友都異口同聲說睇落塊牛扒好似好美味， 賣相一流7成熟牛扒不會太難切，肉質都不會靭，不會難咬。但當入口品嚐後，和想象中有落差，啖啖都嚐到牛扒面和底的苦味。我想那種苦味應該是源自煎焦的原故，煎得太過火了！雖然已經沾了附上的醬料，但遮蓋不到那種苦味。主菜後，還有飯後甜品奉上，就是芝士蛋糕和朱古力蛋糕。我會較中意它以芝士蛋糕作甜品多過朱古力蛋糕。芝士蛋糕都富有芝士味，幾好味。