Starry Night (已結業)

臨近聖誕，特登約班friend黎呢間睇落好有mood既餐廳食Christmas dinner，呢間Starry Night果然無令人失望!頭盤:- 魚手指: 口感外脆內軟, 配有沙律醬, 整體乎合一般期望- buffalo wings: 醬汁酸酸地幾開胃, 配埋blue cheese味道好夾主菜方面, 同幾個friend share幾個main course:香草燒春雞: 不得不提係佢個自家製紅酒汁, 點落燒春雞, 乾身既白肉嗦左D紅酒汁, 食落有啖啖果香滲出, 口感同味道都提升至另一層次原隻虎蝦意大利寬闊條麵: 醬汁係白酒忌廉蝦汁, 味道非常之香! 醬既蝦味非常濃郁, 鍾意食蝦既朋友唔好錯過!澳洲西冷牛扒22安士:為整晚最期待既部份之一! 因為係二人餐既關係, 牛扒有兩隻手掌疊起咁厚, 亦都好大塊, 上菜時真係俾佢個size嚇親, 無諗過咁足料。有好香既香草味, 口感好Juicy, 牛扒味道煎得好香。比起預期中好!甜品:法式焦糖燉蛋: 蛋白味濃郁, 合乎期望。總結: 整體都好食, 虎蝦闊條麵同西冷牛扒最有驚喜, 感覺廚師好有誠意預備各款食物, 值得下次再試其他菜式。