forte (已結業)

被待應遊說5個人每份加$200點了3份和牛和2份澳洲牛扒，和牛冇乜肉味，5成熟但出黎成碟血水，反而唔加錢嘅澳洲牛扒比和牛有肉味。其實衣間酒店餐廳比較細，請左好多唔係香港人，今晚問左5 個待應先拎到1包代糖，因為佢地理解唔到你係要咩，問其他問題待應一樣都唔係太清楚，例如問係咪會餐有冇包埋飲品，其實d咁簡單問題都答唔到，覺得好奇怪。不過單講衣個價錢係抵食，未食主菜食其他野都飽。同埋佢間中推出嘅食物唔係d好矜貴嘅野，例如糖不甩，咁都唔係咁值得排同埋好混亂，仲要排隊未必拎得到，有機會排到去唔夠分。