Fast Taste (金碧閣) (已結業)

有日放假，出左長沙彎食晏，之前食過味道樂附近有兩間漢堡包店，成日都想黎試下，難得放假就去試下啦。唔知係咪附近太多食肆，竟然午市時間都係得兩檯客人，一度好猶豫入唔入去好（又要唔想排隊，又要驚唔好食，真係好犯賤）入到去叫左一個經典牛魔堡同一個極上和牛堡，加13蚊可以配一個小食同飲品，漢堡包配薯枱薯條，毫無疑問一咬落個包，真係一分錢一分貨，經典牛堡咬落好乾，好硬，唔juicy，不過都有牛味嘅。而和牛堡就唔同，咬落去牛味幾香，不費力氣就咬倒，又有肉汁流出，配住黑松露炒蛋，而小食薯格同薯條就有d失色，完全無薯仔味之餘，又無味道。